مَتّا 12:2 - هُدائے پاکێن کتاب، بلۆچی زبانا

² پَریسیان که دیست گۆن ایسّایا گوَشتِش: ”بچار! تئیی مرید اَنچێن کارَ کننت که شَبَّتئے رۆچا رئوا نه‌اِنت.“

مَتّا 12:2 Кръстосани препратки

دَرگوَز 23:12

شش رۆچا کار کن و هپتمی رۆچا آرام کن که تئیی گۆک و هر دَم بکننت و تئیی مۆلِدئے چُکّ و تئیی لۆگا نِشتگێن دَرامَدئے اَرواه تازَه‌دَم ببیت.

دَرگوَز 35:2

شش رۆچا کار کنێت، بله هپتمی رۆچ شَبَّت اِنت، په شما پاکێن رۆچے و آرام کنگئے رۆچ اِنت. اے رۆچا په منِ هُداوندا وَپْک کنێت. هرکَسا شَبَّتئے رۆچا کار کرت، آییئے سِزا مَرک اِنت.

مَتّا 12:10

اۆدا مردے هست‌اَت که دستی هُشک و مُنڈ اَت. لهتێنا په بِڈّ و بُهتام جنَگئے نیمّۆنا چه ایسّایا جُست کرت: ”شَبَّتئے رۆچا کَسێئے دْراه کنگ رئوا اِنت یا نه؟“

مَتّا 12:3

پَسّئوی دات: ”زانا، شما نئوانتگ، وهدے داوود و آییئے همراه شدیگ بوتنت، داوودا چے کرت؟“

مَرکاس 2:24

پَریسیان گۆن ایسّایا گوَشت: ”بچار، چێا تئیی مرید شَبَّتئے رۆچا اَنچێن کارَ کننت که رئوا نه‌اِنت؟“

لوکا 14:3

ایسّایا چه شَریَتئے کازی و پَریسیان جُست گپت: ”شَبَّتئے رۆچا نادْراهانی دْراه کنگ رئوا اِنت یا نه؟“

لوکا 23:56

رَندا، وتی لۆگان آتکنت و وشبۆێن اَتر و رۆگنِش تئیار کرت. شَبَّتئے رۆچا، شَریَتئے رهبندئے سرا، آیان آرام کرت.

لوکا 6:2

گڑا چه پَریسیان لهتێنا گوَشت: ”چیا اَنچێن کارَ کنێت که شَبَّتئے رۆچا رئوا نه‌اِنت؟“