مَتّا 1:19 - هُدائے پاکێن کتاب، بلۆچی زبانا

¹⁹ مَریمئے لۆگواجه ایسُّپ، راست و پهرێزکارێن مردمے اَت، نلۆٹتی مَریما بَنّام بکنت، پمێشکا وتی دلا شئوری کرت: ”په بێتئواری اے سانگا بپرۆشان.“

مَتّا 1:19 Кръстосани препратки

پێدایش 38:24

کِساس سئے ماها رند یَهودااِش هال دات که: ”تئیی نِشار تامارا وتی دێم سیاه کرتگ و نون لاپی پُرّ اِنت.“ یَهودایا گوَشت: ”آییا ڈنّا در کنێت و بُن دئیێت.“

پێدایش 6:9

نوهئے کِسّه چُش اِنت: نوه، وتی دئور و باریگئے مردمانی نیاما پهرێزکار و بےائیبێن مردے اَت. آ هُدائے راها اَت.

مَرکاس 10:4

آیان پَسّئو دات: ”موسّایا رَزا داتگ که مرد په وتی جَنئے سئون دئیگا، تلاک‌نامَهے بنبیسیت و آییا بگیشّێنیت.“

مَرکاس 6:20

چێا که هیرودیسا زانتگ‌اَت یَهیا پهرێزکار و پاکێن مردمے و چه آییا تُرستی. پمێشکا گوَشتگ‌اَتی کَسے آییا آزارے مرسێنیت. باز برا، آ چه یَهیائے هبرانی گۆش دارگا نگران و پرێشان بوتگ‌اَت بله اَنگت آییا دۆستَ بوت که یَهیائے هبران بِشکنت.

لوکا 2:25

هما وهدا اورشَلیمئے شهرا، شَمون نامێن مردے هست‌اَت که پهرێزکار و هُدادۆستے اَت و بنی اِسراییلیانی رَکّێنۆکئے رَهچار اَت و هُدائے پاکێن روه، گۆن آییا گۆن اَت.

کاسِدانی کار 10:22

آیان پَسّئو دات: ”ما پئوجی اَپسر کُرنیلیوسئے کاسِد اێن. آ پهرێزکار و هُداتُرسێن مردمے و سجّهێن یَهودی آییئے وشنامی و بۆهێریئے مَنّۆگر اَنت. هُدائے یکّ پاکێن پرێشتگێا گۆن آییا گوَشتگ که په تئیی هبرانی گۆش دارگا ترا وتی لۆگا بلۆٹیت.“

کاسِدانی کار 27:39

رۆچ که در آتک، تئیابِش دیست بله نزانتِش کجام سرڈگارا اَنت. تلگێن هۆرے دیستِش که تئیابی رێک اَت، شئورِش کرت، اگن ببیت بۆجیگا همے هۆرا سرَ گێجنت.