مَتّا 1:1 - هُدائے پاکێن کتاب، بلۆچی زبانا

¹ ایسّا مَسیه، داوود و اِبراهێمئے چُکّ اِنت. آییئے بێه و بُنیادئے دپتر اے ڈئولا اِنت:

مَتّا 1:1 Кръстосани препратки

پێدایش 12:3

هما مردم که ترا برکتَ دئینت، من آیان برکتَ دئیان و هما مردم که ترا نالتَ کننت، من آیان نالتَ کنان و زمینئے سجّهێن کئوم تئیی سئوبا برکتَ گرنت.“

پێدایش 2:4

اے زمین و آسمانئے کِسّه اَت که جۆڑ کنگ بوتنت. آ وهدا که هُداوندێن هُدایا زمین و آسمان جۆڑ کرتنت،

پێدایش 22:18

زمینئے سجّهێن کئوم تئیی پُشپَدئے سئوَبا برکتَ گرنت، چێا که تئو منی هبر زُرتگ.‘“

پێدایش 5:1

آدمئے نَسل و پَدرێچئے کِتابی کِسّه چُش اِنت: هُدایا آ رۆچا که انسان جۆڑ کرت، وتی شِکلا جۆڑی کرت.

زَبور 132:11

هُداوندا گۆن داوودا سئوگندے وارت، کئولے کرتی و چه وتی زبانا نبجّیت، که: ”من چه تئیی اۆبادگان یکّے تئیی بادشاهی تهتا نادێنان.

زَبور 89:3

تئو گوَشت: ”من گۆن وتی گچێن کرتگێنا اَهد و کَرارے بستگ و گۆن وتی هزمتکار داوودا په سئوگند کئول کرتگ:

زَبور 89:36

که آییئے نَسل تان اَبد برجاهَ مانیت و آییئے تهت منی درگاها چۆ رۆچا اَبدی اِنت،

مَتّا 1:18

ایسّا مَسیهئے پێدائِش اے ڈئولا اَت: ایسّائے مات مَریم، ایسُّپا سانگ کرتگ‌اَت بله چه آیانی سور و آرۆسا پێسر، زانتِش که چه هُدائے پاکێن روها، آییئے لاپ پُرّ بوتگ.

مَتّا 1:2

اِساکِ اِبراهێم، آکوبِ اِساک، یَهودا و آییئے برات که آکوبئے چُکّ اَتنت.

مَتّا 15:22

کَنهانی جنێنے که همۆدئے مردمے اَت آتک و کوکّاری کرت: ”او هُداوند، او داوود بادشاهئے چُکّ! ترا منی سرا بَزّگ بات. پلیتێن روهے منی جنکّا سکّ آزارَ دنت.“

مَتّا 3:16

وهدے ایسّایا پاکشۆدی گپت و چه آپا در آتک، اَناگت آسمانئے دپ پَچ بوت و هُدائے پاکێن روهی دیست که کپۆتێئے دْرۆشما آتک و آییئے سرا اێر نِشت.

مَتّا 9:27

ایسّا چه اۆدا راه گپت، راها دو کۆر گْوانک جنان آییئے رندا کپت و گوَشتِش: ”او داوود بادشاهئے چُکّ! ترا مئے سرا بَزّگ بات.“

لوکا 1:33

آ، آکوبئے پَدرێچئے سرا مُدام بادشاهیَ کنت و آییئے بادشاهی هچبرَ نکُٹّیت.“

یوهَنّا 7:42

پاکێن کتابَ نگوَشیت که مَسیه چه داوودئے نَسل و پَدرێچا بیت و چه آییئے شهر بئیت‌لَهِما کئیت؟“

کاسِدانی کار 2:30

بله آ پئیگمبرے اَت و زانتگ‌اَتی هُدایا سئوگند وارتگ و کئول کرتگ که چه آییئے نَسلا یکّێا، آییئے بادشاهیئے تَهتئے سرا نادێنیت.

پولُسئے کاگد په رومیان 1:3

اے مِستاگ آییئے چُکّ بزان مئے هُداوند ایسّا مَسیهئے بارئوا اِنت که جِسمی هسابا، داوودئے پُشپَد و اۆبادگ اِنت. وهدے چه مُردگانی نیاما جاهی جت، پاکێن روهئے واک و کدرتئے سئوَبا هُدائے زۆرمندێن چُکّ زانگ و جار جنَگ بوت.

پولُسئے کاگد په رومیان 4:13

اِبراهێم و آییئے نَسل و پَدرێچا اے واده که آ جهانئے میراس‌دار بنت چه شَریَتئے راها نرَست، چه پاکی و پَلگاریئے راها رست که چه ایمانا کئیت.

پولُسئے کاگد په رومیان 9:5

بُنپیرُک همایانیگ اَنت و مَسیه هم که سجّهێنانی هُدا اِنت، جِسمی هسابا چه همایانی نَسل و پَدرێچا اِنت. آییا مُدام ستا و سنا بات. اَنچُش بات. آمین.

په گَلاتیان پولُسئے کاگد 3:16

نون کئول گۆن اِبراهێما و گۆن اِبراهێمئے نَسل و چُکّا کنگ بوتنت. پاکێن کتابَ نگوشیت که ”گۆن تئیی چُکّان“ بزان گۆن بازێنێا. پاکێن کتابَ گوَشیت: ”گۆن تئیی نَسل و پدرێچا“، بِزان گۆن یکّێا و اے مَسیه اِنت.

په تیموتاووسا پولُسئے ائولی کاگد 2:5

چێا که هُدا یکّے. هُدا و انسانئے نیاما میانجیگر هم یکّے و آ ایسّا مَسیه اِنت که وت هم انسانے.

په تیموتاووسا پولُسئے دومی کاگد 2:8

ایسّا مَسیها یات بکن، هما که داوودئے نَسل و اۆبادگے و چه مردگان زندگ بوت. همے منی پئیگام اِنت و

اِلهام 22:16

”من که ایسّا آن، وتی پرێشتگ دێم داتگ تانکه کِلیسایانی هاترا شمارا اے چیزّانی شاهدیا بدنت. من داوودئے ریشّگ آن و داوودئے پُشپَد هم. سُهبئے رُژناێن اِستار من آن.“