لوکا 5:4 - هُدائے پاکێن کتاب، بلۆچی زبانا

⁴ وهدے هبری هلاس بوتنت، گۆن شَمونا گوَشتی: ”بۆجیگا گوَرمئے جُهلانکیان ببر و وتی دامان په ماهیگئے شکارا آپا دئور بدئیێت.“

لوکا 5:4 Кръстосани препратки

مَتّا 17:27

بله په آیانی نرنجێنگا، مَزَن‌گوَرمئے تئیابا برئو و نَهیگے آپا دئور بدئے، هما ماهیگ که پێسرا نهیگا جنت، آییئے دپا پَچ کن، تئو یکّ چارکلداری زَرّے گندئے، هماییا بزور، منیگ و وتی سُنگا پُرّ کن.“

لوکا 5:5

شَمونا گوَشت: ”واجه! دۆشی ما سجّهێن شپ دلسیاهی کَشّتگ و مارا هچّ ماهیگ دستا نکپتگ، بله نون که تئو گوَشئے، من دامان آپا دئورَ دئیان.“

یوهَنّا 21:6

گوَشتی: ”داما بۆجیگئے راستێن نێمگا دئور دئیێت، اۆدا ماهیگ درَ کئیت.“ آیان اَنچُش کرت و همینکدر ماهیگِش گپت که دامِش دێم په بۆجیگا کَشّت نکرت.