لوکا 5:20 - هُدائے پاکێن کتاب، بلۆچی زبانا

²⁰ وهدے ایسّایا آیانی اے باور دیست، گوَشتی: ”او منی دۆست! تئیی گناه بَکشگ بوتنت.“

لوکا 5:20 Кръстосани препратки

پێدایش 22:12

پرێشتگا گوَشت: ”وتی دستا بدار و چُکّا هچّ مکن. نون منَ زانان که تئو هُداتُرسے ائے، چێا که تئو چَکّ و پَد نبوتئے و وتی بَچّ، وتی یکّێن چُکّ هم منا دات.“

مَتّا 9:2

همے وهدا لهتێن مردما، تَهتێئے سرا وپتگێن لَنگ و مُنڈێن مردے آییئے کِرّا آورت. وهدے ایسّایا آیانی سِتک و باور دیست، گۆن لنَگا گوَشتی: ”او منی چُکّ! دلا مزن کن، تئیی گناه بَکشگ بوتنت.“

مَتّا 9:5

کجام هبرئے گوَشگ آسانتر اِنت: ’تئیی گناه بَکشگ بوتگ‌اَنت،‘ یا: ’پاد آ، برئو‘؟

مَرکاس 2:5

ایسّایا که آیانی سِتک و باور دیست، گۆن لَنگا گوَشتی: ”او منی چُکّ! تئیی گناه بَکشگ بوتنت.“

لوکا 7:48

گڑا دێمی گۆن آ جنێنا تَرّێنت و گوَشتی: ”تئیی گناه بَکشگ بوتنت.“

یوهَنّا 2:25

آییا انسانئے بارئوا هچکَسئے گواهیئے زلورت نه‌اَت، چێا که آ، انسانئے دلئے هر هالا سهیگ اَت.

یوهَنّا 5:14

رَندا ایسّایا اے مرد مزنێن پرستشگاها دیست، گوَشتی: ”بچار، نون که تئو دْراه بوتگئے، چه اِد و دێم گناه مکن. چُش مبیت که گَنترێن بلاهے تئیی سرا بکپیت.“

کاسِدانی کار 11:23

وهدے آ اۆدا رَست و هُدائے رهمتی دیست، گَل بوت و مردمی دِلبڈّی داتنت که په دل هُداوندئے وپادار و مَنّۆک ببنت.

کاسِدانی کار 14:9

آ پولُسئے هبران اِشکنگا اَت، پولُسا تچکاتچک آییئے نێمگا چارِت و زانتی که آییا په دْرهبکشیا ایمان و باور هست.

آکوب 2:18

نون بوتَ کنت کَسے بگوَشیت: ”تئیی کِرّا باور هست و منی کِرّا کار و کِرد. تئو وتی باوَرا بے کار و کِردا منا پێش بدار و من چه وتی کار و کِردا، ترا وتی باوَرا پێشَ داران.“