لوکا 2:46 - هُدائے پاکێن کتاب، بلۆچی زبانا

⁴⁶ سئیمی رۆچا، آیان ایسّا مزنێن پرستشگاهئے پێشگاها در گێتک که اۆدا آ، شَریَتئے زانۆگرانی نیاما نِشتگ‌اَت، آیانی هبران گۆش دارگا اَت و چه آیان جُست و پُرس کنگا اَت.

لوکا 2:46 Кръстосани препратки

مَتّا 12:40

اَنچُش که یونُس تان سئے رۆچ و سئے شپا ٹوهێن ماهیگئے لاپا اَت، همے پئیما انسانئے چُکّ تان سئے رۆچ و سئے شپا زمینئے لاپا بیت.

مَتّا 16:21

چه هما وهدا رَند ایسّا گۆن وتی مریدان په تچک و پَدّری هبر کنگا لگّت که ”اَلّما، باید اِنت اورشَلیما برئوان، چه کئومئے کماش، مزنێن دینی پێشوا و شَریَتئے زانۆگرانی دستا سکّی و سۆری بسگّان و کُشگ ببان و سئیمی رۆچا زندگ ببان و جاه بجنان.“

لوکا 2:47

سجّهێن اِشکنۆک چه آییئے هۆشمندی و پَسّئوان هئیران اَتنت.

لوکا 5:17

یکّ رۆچے، ایسّا درس و سَبکّ دئیگا اَت. لهتێن پَریسی و شَریَتئے استاد، که چه جَلیل و یَهودیَهئے سجّهێن مێتگان و چه اورشَلیما آتکگ‌اَت، همۆدا نِشتگ‌اَتنت. په نادْراهانی دْراه کنگا، هُداوندئے زۆر و توان گۆن ایسّایا گۆن اَت.

یوهَنّا 3:10

ایسّایا گوَشت: ”تئو وت اِسراییلیانی استادے ائے، اے چیزّا نزانئے؟

کاسِدانی کار 5:34

بله گامالیال نامێن پَریسیے که شَریَتئے استاد و سرۆکانی دیوانئے باسک و سجّهێن مردمانی چمّان شرپدارێن مردے اَت، دیوانا پاد آتک و هُکمی کرت: ”اے مردان یکّ دمانے ڈنّا ببرێت.“

په تیموتاووسا پولُسئے ائولی کاگد 1:7

اے مردم شَریَتئے زانۆگر بئیگَ لۆٹنت بله نزاننت که چے گْوشگا اَنت و هما چیزّانی بارئوا که په دلجمی هبرَ کننت، آ چیزّانی جندا هم سرپد نه‌اَنت.