لوکا 2:36 - هُدائے پاکێن کتاب، بلۆچی زبانا

³⁶ همۆدا، آشِرئے کَبیلهئے یکّ جنێنے هست‌اَت که نبیے اَت. آییئے نام هَنّا اَت و آییئے پتئے نام پَنوییل اَت. اُمری مزن اَت. سور کنگا رَند، هپت سالی گۆن وتی لۆگ‌واجها گوازێنتگ‌اَت،

لوکا 2:36 Кръстосани препратки

پێدایش 30:13

گڑا لیاها گوَشت: ”من سکّ گَل آن. جنێنان منی نام کرتگ ’گَلاتون‘.“ پمێشکا چُکّئے نامی آشِر کرت.

زَبور 92:14

پیریا هم بَر و سَمرَ دئینت و په اے جارئے جنگا تَرّ و تازگ و سبزَ ماننت که هُداوند راست و آدل اِنت، هما منی تلار اِنت و آییا هچ نااِنساپی و بدی مان نێست.

دَرگوَز 15:20

پئیگمبرێن مَریم که هارونئے گُهار اَت، آییا کَنجَریے زرت و پاد آتک. سجّهێن جنێن کَنجَری جنان و ناچ کنانا پاد آتکنت گۆن.

لوکا 2:35

همے پئیما آ، بازێنێئے دلانی رازان پاشکَ کنت. او مَریم! تئو وتی زِندا مزنێن گَم و اندۆهے گندئے که آ گَم، زَهمئے ڈئولا تئیی دلا کَپَّ کنت.“

لوکا 2:38

آ هم، هما ساهتا آیانی کِرّا آتک، هُدائے شُگری گپت و گۆن هما سجّهێن مردمان که اورشَلیمئے رَکّێنگئے رَهچار اَتنت، گوَشتی: ”اے چُکّ هما رَکّێنۆک اِنت.“

کاسِدانی کار 2:18

آ رۆچان، وتی گُلام و مۆلِدان چه وتی روها سررێچَ کنان و آ هم پئیگمبریَ کننت.

کاسِدانی کار 21:9

آییا چار نِشتگێن جنێن‌چُکّ هست‌اَت که پئیگمبریئے سئوگاتِش چه هُدائے نێمگا رَستگ‌اَت.

په تیموتاووسا پولُسئے ائولی کاگد 3:2

باید اِنت کلیسائے کماش انچێنے ببیت که آییا مردمانی مَلامت پِر مبیت، گۆن وتی جَنا وپادار ببیت، گْران و سنگینێن مردمے ببیت و وتا داشت بکنت، مَڑاهدار و مِهمان‌نئواز ببیت و شَرّیا تالیم دات بکنت،

په تیموتاووسا پولُسئے ائولی کاگد 5:9

وهدے شُما هما جنۆزامانی نامان نبشتهَ کنێت که چه کلیسایا کُمَکَّ گرنت، تهنا هماییا هئوار کنێت که اُمری شَست سالا بُرز اِنت و گۆن وتی مَردا وپادار بوتگ.

اِلهام 7:6

چه آشِرئے کَبیلها دوازده هزار، چه نَپتالیئے کَبیلها دوازده هزار، چه مَنَسیئے کَبیلها دوازده هزار،