لوکا 16:8 - هُدائے پاکێن کتاب، بلۆچی زبانا

⁸ واهندا وتی لُچّ و دُزّێن هسابدار شاباش گوَشت، که آییا اے کار، گۆن اَگلمندی کرتگ‌اَت. چێا که اے وهدئے چُکّ گۆن وتی زمانگئے مردمان دنیایی گیر و دارانی در برگا، چه نورئے چُکّان بزان هُدایی مردمان آکِلتر اَنت.

لوکا 16:8 Кръстосани препратки

پێدایش 3:1

مار چه هُداوندێن هُدائے جۆڑ کرتگێن آ دگه وَکشیێن هئیوانان ٹَگتر و چالاکتِر اَت. آییا گۆن جنێنا گوَشت: ”اے راست اِنت که هُدایا گوَشتگ باگئے هچّ درچکئے بَرا مئورێت؟“

زَبور 17:14

هُداوندا! منا چه اے پئیمێن مردمانی دستا آزات کن، چه اے دنیائے مردمان که نسیبِش تهنا همے دنیا اِنت و بسّ، که لاپانِش چه وتی هزانگا سێرَ کنئے، چُکِّش بازَ بنت و آیانی پَشت کپتگێن چیزّ په چُکّانِشَ رسیت.

دَرگوَز 1:10

باید اِنت په هۆشمَندی اِشانی دێما بدارێن، اگن اے گێشتر ببنت و مارا جنْگے بگیپت، اے مئے دژمنانی همراهَ بنت و گۆن ما جنْگَ کننت و پدا چه مئے مُلکا تچنت و رئونت.“

مَتّا 12:32

هرکَس انسانئے چُکّئے بارئوا سِلّێن هبرے بکنت بَکشگَ بیت، بله آ که پاکێن روهئے بارئوا سِلّێن هبرے بگوَشیت، نه اے دنیایا پهِلّ کنگَ بیت و نه آیۆکێن دنیایا.

مَتّا 17:26

پَسّئوی تَرّێنت: ”چه دگران.“ ایسّایا گوَشت: ”گڑا چُکّ بَکشگَ بنت.

لوکا 16:10

آ که گوَنڈ و کَسانێن کارانی سرا تچک و راستَ بیت، مزنێنانی سرا هم راستَ بیت و آ که گوَنڈێن کارانی سرا راستَ نبیت، مزنێنانی سرا هم راستَ نبیت.

لوکا 16:4

بله هئو! انّون زانتُن چے بکنان. باید اِنت اَنچێن کارے بکنان که وهدے چِه کارا کَشّگَ بان، رَندا مردم منا وتی لۆگان بِلّنت.‘

لوکا 16:7

پدا چه دومی وامدارا جُستی کرت: ’ترا چینچُک وام پِر اِنت؟‘ گوَشتی: ’یکسَد کئیل گندم.‘ هسابدارا گوَشت: ’اے تئیی وامانی کَبز اِنت. بگر و هشتاد کئیل بنبیس.‘

لوکا 18:6

گڑا هُداوندێن ایسّایا گوَشت: ”بِشکنێت اے ناهَکّێن کازی چے گوَشیت؟

لوکا 20:34

ایسّایا پَسّئو دات: ”مردم، اے جهانا سانگ و سورَ کننت،

لوکا 20:35

بله هما مردم که نمیرانێن زِندا کرزنت و آهِرتئے لاهک اَنت، آ نه سورَ کننت و نه سور دئیگَ بنت.

یوهَنّا 12:36

تانکه رُژن گۆن شما گۆن اِنت، رُژنئے سرا ایمان بیارێت که رُژنئے چُکّ ببێت.“ ایسّایا اے هبر کرتنت و چه آیانی کِرّا شت و چێر و اَندێم بوت.

په پیلیپیان پولُسئے کاگد 3:19

اِشانی آسر تباهی اِنت. اِشانی هُدا وتی جِندئے لاپ اِنت و بێنَنگی اِشانی پَهر و شان اِنت. اِشانی هئیال گۆن دنیایی چیزّان اِنت.

په تِسالونیکیان پولُسئے ائولی کاگد 5:5

چێا که شما درُست رُژنئے چُکّ اێت، رۆچئے چُکّ اێت. ما شپئے چُکّ نه‌اێن، تهاریئے چُکّ نه‌اێن.

پِتْرُسئے ائولی کاگد 2:9

بله شما هُدائے گچێن کرتگێن بادشاهێن روهانیێن پێشوا و پاکێن کئوم اێت، هُدائے جندئے کئوم اێت و آییا شمارا چه تهاریا دێم په وتی پرشئوکتێن رُژناییا گْوانک جتگ تان آییئے مزنێن کاران جار بجنێت.

یوهَنّائے ائولی کاگد 3:10

هُدائے چُکّ و شئیتانئے چُکّ، همے پئیما زانگ و پَجّاه آرگَ بنت، آ کَس که راستیئے راها نرئوت، هُدائے چُکّ نه‌اِنت و اَنچُش آ کَس هم که گۆن وتی براتا مِهرَ نکنت.