لوکا 1:8 - هُدائے پاکێن کتاب، بلۆچی زبانا

⁸ یکّ رَندے که هِزمتکاریئے باریگ په زَکَریائے ٹۆلیا کپت و آ، هُدائے بارگاها دینی پێشوایی کنگا اَت،

لوکا 1:8 Кръстосани препратки

دَرگوَز 28:1

وتی برات هارون و آییئے مَردێن‌چُکّان، بزان ناداب و اَبیهو و اِلیازَر و ایتامارا چه اِسراییلیانی نیاما وتی کرّا بیار که دینی پێشوا ببنت و منی هِزمتا بکننت.

دَرگوَز 28:41

اے گُدان وتی برات هارون و آییئے چُکّانی گوَرا دئے. هارون و چُکّان رۆگن پِر مُش و گیشّێن و وَپکِش کن و دینی پێشواییئے کارا همایانی دستا دئے.

دَرگوَز 29:1

په هارون و آییئے مردێن‌چُکّانی وَپک کنگا اے کاران بکن که آ دینی پێشوا ببنت و منی هِزمتا بکننت: یکّ کاییگرے و دو گوَرانڈ بزور، هچّ ائیبِش مان مبیت.

دَرگوَز 29:44

من تَمبو و کُربانجاها پاک و پَلگارَ کنان و په وتَ گیشّێنان، هارون و آییئے چُکّان هم پاک و پَلگارَ کنان و په وتَ گیشّێنان که دینی پێشوا ببنت و منی هِزمتا بکننت.

دَرگوَز 29:9

کُلاهِش سرا دئے. هارون و آییئے چُکّانی سْرێنا لانکیگ بند. اے اَبدمانێن پرمانے که دینی پێشوایی همایانیگ اِنت. اے کارا هارون و آییئے چُکّانی دَستا دئے.

دَرگوَز 30:30

هارون و آییئے چُکّان رۆگن پِر مُش و وَپْکِش کن که دینی پێشوا ببنت و منی هِزمتا بکننت.

لوکا 1:5

یَهودیَهئے دَمگئے بادشاه هیرودیسئے زمانگا، زَکَریا نامێن دینی پێشواے هست‌اَت که چه اَبیائے دینی پێشوایانی ٹۆلیا اَت. آییئے جَن، چه هارونئے نَسل و پَدرێچا اَت و نامی اِلیزابِت اَت.

لوکا 1:7

بله چُکِّش نێست‌اَت، چێا که اِلیزابِت سَنٹ و بێچُکّ اَت و دوێنانی اُمر هم مزن اَت.