لوکا 1:20 - هُدائے پاکێن کتاب، بلۆچی زبانا

²⁰ اے وهدا، نون تئو لِلّ و گُنگَ بئے و تان آ رۆچا که اے هبرانی راستی اَلّمَ بیت، هبر کرتَ نکنئے. چێا که تئو، منی اے هبر که کئول داتگێن وهدا راست و پَدّرَ بنت باور نکرتنت.“

لوکا 1:20 Кръстосани препратки

دَرگوَز 4:11

هُداوندا گوَشت: ”بنی‌آدمئے دپ کئیا جۆڑ کرتگ؟ کئے اِنسانا گُنگ و کَرَّ کنت؟ کئے اِنسانا چَم‌پَچ و کۆرَ کنت؟ منِ هُداوند نه‌اِنت؟

دانیال 10:15

وهدے آ گۆن من اے هبران کنگا اَت، من وتی سر جَهل کرت و هچّ گوَشت نکرت.

مَرکاس 16:14

رَندا، ایسّا وتی یازدهێن مریدانی دێما، هما وهدا آتک و زاهر بوت که وراک ورگا اَتنت. ایسّایا، په آیانی کَمباوری و سِنگدلیا، آ مئیاریگ کرتنت چێا که آ مردمانی هبرِش باور نکرتگ‌اَت که ایسّااِش چه جاه جنَگا رند دیستگ‌اَت.

مَرکاس 9:19

ایسّایا گوَشت: ”او بێباورێن نَسل و پَدرێچ! من تان کدێنا گۆن شما بمانان و بسگّان؟ چُکّا منی کِرّا بیارێت!“

لوکا 1:19

پرێشتگا پَسّئو دات: ”من جِبراییل آن و هُدائے بارگاها اۆشتۆک آن. انّون رئوان دئیگ بوتگان، گۆن تئو هبر بکنان و ترا اے مِستاگا بدئیان.

لوکا 1:21

همے وهدا، مردم ڈنّا زَکَریائے اِنتزار و وَدارا اَتنت. هئیران اَتنت که آ چێا مزنێن پرستشگاها اینکدر مهتل بوتگ‌اَت.

لوکا 1:22

وهدے زَکَریا ڈنّا در آتک، آییا گۆن مردمان هبر کرت نکرت. گڑا زانتِش آییا پرستشگاها اِلهامے رَستگ و شُبێنے دیستگی. چێا که آییا گۆن مردمان اِشارهَ کرت و هبر کنگئے واکی نێست‌اَت.

لوکا 1:45

بَهتاور ائے تئو که باوَرِت کرتگ، چێا که هُداوندئے هما هبر که گۆن تئو گوَشگ بوتگ‌اَنت، سَرجمَ بنت.“

لوکا 1:64

هما دمانا زَکَریائے گُنگێن زبان پَچ بوت و هبرا لگّت و هُدائے سَتا و سَنایی بُنگێج کرت.

پولُسئے کاگد په رومیان 3:3

بله اگن چه آیان لهتێن وَپادار نبوت، گڑا چے بیت؟ آیانی بێوَپایی هُدائے وَپاداریا هلاس و ناکارَ کنت؟

په تیموتاووسا پولُسئے دومی کاگد 2:13

اگن ما گۆن آییا بێوَپایی بکنێن، آ گۆن ما انگت وپا کنت، چێا که آ وتی تَب و سَرِشتئے هِلاپا شُتَ نکنت.

په تیتوسا پولُسئے کاگد 1:2

اے زانت مارا ابدمانێن زندئے اُمێتا دنت و هُدا که درۆگَ نبندینت، آییا هم چه اَزلا اے ابدمانێن زندئے واده کرتگ.

اِلهام 3:19

من همایان نِهرَّ دئیان و اَدبَ کنان که منا دۆست اَنت. پمێشکا په دل پشۆمان بئے و تئوبه کن.