یوهَنّا 6:31 - هُدائے پاکێن کتاب، بلۆچی زبانا

³¹ مئے پت و پیرُکان گیابانا مَنّ وارت، اَنچُش که پاکێن کتابَ گوَشیت: ’آییا چه آسمانا نگن رئوان دات که بوَرنت.‘“

یوهَنّا 6:31 Кръстосани препратки

زَبور 105:40

آیان لۆٹِت و هُداوندا بئینکوێن مُرگ رئوان دات و آیی گۆن آسمانی نگنا سێر کرتنت.

دَرگوَز 16:35

اِسراییلیان تان چِلّ سالا منَّ وارت، بزان تان هما وهدا که آبادێن مُلکێا سر بوتنت. تان هما وهدا که کَنهانئے سیمسرا رَستنت، مَنِّشَ وارت.

یوهَنّا 6:32

گڑا ایسّایا گوَشت: ”شمارا راستێنَ گوَشان، اے موسّا نه‌اَت که شمارا چه آسمانا اێر آتکگێن نگنیَ دات. اے منی پت اِنت که چه آسمانا اَسلیگێن نانا شمارا بَکشیت.

یوهَنّا 6:49

شمئے پت و پیرُکان گیابانا مَنّ وارت، بله اَنگت مُرتنت.

یوهَنّا 6:58

اے نان که چه آسمانا اێر آتکگ، آ نگنئے پئیما نه‌اِنت که شمئے پت و پیرُکان وارت و اَنگت مُرتنت، چێا که هرکَس که اے نانا بوارت، تان اَبد زندگَ مانیت.“

اِلهام 2:17

هرکَسا که گۆش پِر، گۆش بداریت که پاکێن روه گۆن کِلیسایان چے گوَشیت. هما که سۆبێنَ بیت، من آییا چه چێر و پناهێن مَنّا بَهرے دئیان. من آ مردما اسپێتێن سِنگے هم دئیان که آییئے سرا نۆکێن نامے نبشته اِنت. اے ناما تهنا هما زانت که آییا دئیگَ بیت.