یوهَنّا 4:5 - هُدائے پاکێن کتاب، بلۆچی زبانا

⁵ آ، سامِرَها شهرێا رَست که نامی سوهار اَت و هما ڈگارئے نزّیکّا اَت که آکوبا وتی چُکّ ایسُّپارا داتگ‌اَت.

یوهَنّا 4:5 Кръстосани препратки

پێدایش 33:19

اے ڈگار که اۆدا آییا وتی گِدان مِکّ کرت، چه هَمۆرئے چُکّان په سد ٹُکّر نُگرها بهایی زرت. هَمۆر، شِکێمئے پت اَت.

پێدایش 48:22

نون من ترا چه تئیی براتان گێشترَ دئیان. هما کۆهستگا ترا دئیان که من وتی زَهم و تیرکَمانئے سرا چه اَموریان گپتگ.“

لوکا 9:52

بله چه وت پێسر، لهتێن کاسِدی راه دات. آ شتنت و سامِریانی یکّ مێتگێا رَستنت تانکه چه آییئے آیگا پێسر، په آییا تئیاری بکننت.

یوهَنّا 4:12

زانا، تئو چه مئے پیرُک آکوبا مستر ائے، هما که اے چاتی مارا داتگ و آییئے جندا و چُکّان و مال و دَلوَتان چه اے چاتا آپ وارتگ؟“

یوهَنّا 4:39

چه آ شهرئے سامِریان بازێنێا پمێشکا ایسّائے سرا ایمان آورت که آ جنێنا گواهی داتگ و گوَشتگ‌اَت: ”هر چیزّے که من کرتگ، آییا منا گوَشتنت.“

یوهَنّا 4:6

آکوبئے چات همۆدا اَت. ایسّا سپرا بوتگ‌اَت و دَمی برتگ‌اَت. همے چاتئے کِرّا نِشت. نێمرۆچئے وهد اَت.

یوهَنّا 4:8

آییئے مُرید وراکئے گِرگا شهرا شتگ‌اَتنت.