یوهَنّا 2:18 - هُدائے پاکێن کتاب، بلۆچی زبانا

¹⁸ گڑا یَهودیان گوَشت: ”تئو گۆن چۆنێن مۆجزه و اَجَبَّتێن نشانیے سابتَ کنئے که ترا اے کارانی اِجازت هست‌اِنت؟“

یوهَنّا 2:18 Кръстосани препратки

دَرگوَز 7:9

”پِرئون که شمارا گوَشیت: ’مۆجزهے پێش بدارێت‘ گڑا تئو هارونا بگوَش: ’وتی اَسایا بزور و پِرئونئے دێما زمینا دئوری دئے.‘ اَسا مارے بیت.“

مَتّا 21:23

هما وهدا که ایسّا مزنێن پرستشگاهئے پێشگاها شت و تالیم دئیگا لگّت، مزنێن دینی پێشوا و کئومئے کماش آییئے کِرّا آتکنت و جُستِش کرت: ”تئو گۆن کجام هَکّ و اِهتیارا اے کارانَ کنئے؟ کئیا ترا اے کارانی کنگئے اِهتیار داتگ؟“

مَرکاس 8:11

لهتێن پَریسی ایسّائے کِرّا آتک و گۆن آییا گپّ و تْرانا نِشت، تان آییا بچَکّاسنت و داما دئور بدئینت. گوَشتِش: ”مارا آسمانی نشانیے پێش بدار تان باور بکنێن که ترا هُدایا رئوان داتگ.“

لوکا 11:29

وهدے مردمانی مُچّی گێشتر بئیان اَت، ایسّایا گوَشت: ”اے زمانگئے مردم شِرّ و زِنهکارێن مردم اَنت. اَجَبَّتێن نشانیَ لۆٹنت، بله آیان یونُس نبیئے نشانیا اَبێد، دگه هچّ نشانیے دئیگَ نبیت.

یوهَنّا 1:19

وهدے اورشَلیمئے شهرئے یَهودیان وتی لهتێن دینی پێشوا و لاوی کَبیلهئے مردم یَهیائے کِرّا رئوان دات که جُست بگرنت: ”تئو کئے ائے؟“ آییا اِنکار نکرت، تچک و په راستی گواهی دات و گوَشتی: ”من مَسیه نه‌آن.“

یوهَنّا 1:25

جُستِش کرت: ”اگن تئو نه مَسیه ائے و نه اِلیاس ائے و نه هما نبی، گڑا پَرچا پاکشۆدیَ دئیئے؟“

یوهَنّا 6:30

آیان گوَشت: ”تئو چۆنێن اَجَبَّتێن نشانی پێشَ دارئے که ما بگندێن و تئیی سرا ایمان بیارێن؟ چے کنئے؟

کاسِدانی کار 4:7

آیان پِتْرُس و یوهَنّا اۆشتارێنت و جُست گپتنت: ”شما گۆن کجام زۆر و واکا یا گۆن کئیی ناما اے کار کرتگ؟“

کاسِدانی کار 5:28

”ما هُکم نکرتگ‌اَت دگه برے په اے ناما مردمان درس و سَبکّ مدئیێت؟ بله شما اورشَلیمئے سَرجمێن شهر گۆن وتی تالیمان پُرّ کرتگ. لۆٹێت آ مردئے هۆنا مئے گردنا بلَڈّێت؟“