یوهَنّا 19:39 - هُدائے پاکێن کتاب، بلۆچی زبانا

³⁹ نیکودیموس، هما که پێسرا شپے ایسّائے گِندگا شتگ‌اَت، آتک و گۆن وت لهتێن هۆر و هئوارێن مُرّ و ائوود و کَرْزاَرواهی آورت که سی کیلوئے کِساسا اَتنت.

یوهَنّا 19:39 Кръстосани препратки

پێدایش 50:2

گڑا هما داکتر که ایسُّپئے هِزمتا اَتنت، ایسُّپا گۆن آیان گوَشت که منی پت اِسراییلا مۆمیایی کنێت و آیان اِسراییل مۆمیایی کرت.

زَبور 45:8

سجّهێن جامگِت گۆن مُرّ و اَوود و تۆجا مُشتگ و وشبۆ بوتگ‌اَنت. آجێن کَسرانی تها سیمّی سازانی زێمل ترا شادانَ کننت.

مَتّا 12:20

نه که نِزۆر و نئوَهکێن کَلَم و کاشا پرۆشیت و نه مِرمِرانکێن چِراگا کُشیت، تان هما وهدا که اِنساپ و دادرسیا سۆبێن و کامیاب بکنت.

مَتّا 19:30

بله بازێنے که ائولی اِنت، آهِریَ بیت و بازێنے که آهِری اِنت ائولیَ بیت.

مَتّا 2:11

لۆگا شتنت و نُنُّکِش آییئے مات مَریمئے گوَران دیست. گڑا کۆنڈان کپتنت و چُکِّش پرستش کرت، وتی تُهپه و ٹێکیانی هُکّه و زباددانِش پَچ کرتنت و سُهر و سۆچَگی و مُرِّش په نُنُّکا سئوگات کرتنت.

مَرکاس 16:1

وهدے شَبَّتئے رۆچ هلاس بوت، مَریم مَجْدَلیَه، آکوبئے مات مَریم و سالومَها، وشبۆێن دارو گپت که ایسّائے جۆنا چرپ کننت.

یوهَنّا 12:3

نون مَریَما نێم تاسئے کِساسا هِندی سُمبلئے زَگر و گران‌بهاێن اَتر آورت، ایسّائے پادانی سرا پِر رێتک و گۆن وتی مودان ایسّائے پادی هُشک کرتنت. لۆگئے سجّهێن کُنڈان اَترئے وشّێن بۆ تالان بوت.

یوهَنّا 12:7

ایسّایا گوَشت: ”مَریَمئے کارا کار مدار، آییا اے اَتر په منی کبر کنگئے تئیاریا اێر کرتگ‌اَتنت.