یوهَنّا 19:25 - هُدائے پاکێن کتاب، بلۆچی زبانا

²⁵ سَلیبئے نزّیکّا ایسّائے مات و ماتئے گهار و کْلیوپاسئے جَن مَریَم و مَریَم مَگدَلینی اۆشتاتگ‌اَتنت.

یوهَنّا 19:25 Кръстосани препратки

مَتّا 12:46

ایسّا اَنگت گۆن مردمان هبرا اَت که آییئے مات و برات آتک و ڈنّا اۆشتاتنت. آیان گۆن ایسّایا هبر کنگی اَت.

مَرکاس 16:9

یکشَمبِهئے سَباها ماهَلّه، چه وتی جاه جنَگا رَند، ایسّا چه سجّهێنان پێسر، مَریم مَجْدَلیَهئے دێما پَدّر بوت. اے هما مَریم اِنت که ایسّایا چه آییا هپت جِنّ کَشّتگ‌اَت.

لوکا 2:35

همے پئیما آ، بازێنێئے دلانی رازان پاشکَ کنت. او مَریم! تئو وتی زِندا مزنێن گَم و اندۆهے گندئے که آ گَم، زَهمئے ڈئولا تئیی دلا کَپَّ کنت.“

لوکا 23:49

هما مردم که ایسّائے پَجّارۆک اَتنت و هما جنێن که چه جَلیلا آییئے همراهیا آتکگ‌اَتنت، دور و گِستا اۆشتاتگ‌اَتنت و اے سجّهێن سرگوَستِش دیستنت.

لوکا 24:18

گڑا چه آیان یکّێا که نامی کْلیوپاس اَت، پَسّئو دات: ”اورشَلیما دَرامدێن مردم یکّێن تئو ائے، چه اے سَرهالان که همے رۆچان اۆدا بوتگ‌اَنت سهیگ نه‌ائے؟“

لوکا 8:2

لهتێن جنێن هم که ایسّایا آیانی جِنّ کَشّتگ‌اَتنت و چه نادْراهیان دْراه و جۆڑ کرتگ‌اَتنت، گۆن آیان گۆن اَتنت. چه آیان یکّے مَریم اَت، که آییئے پَنّام مَجْدَلیَه اَت و ایسّایا چه آییا هپت جِنّ کَشّتگ‌اَت.

یوهَنّا 20:1

هپتگئے ائولی رۆچا، بزان یکشَمبِهئے سَباها ماهَلّه که اَنگت تهار اَت، مَریَم مَگدَلینی کَبرئے سرا شت و دیستی که هما ڈۆک که کَبرئے دپا اَت، چه کَبرا دور کنگ بوتگ.