یوهَنّا 19:13 - هُدائے پاکێن کتاب، بلۆچی زبانا

¹³ وهدے پیلاتوسا اے هبر اِشکت، ایسّایی ڈنّا آورت و وت یکّ جاهے په دادرسیا نِشت که آییا ”سِنْگپَرْشَ“ گوَشنت و اَرَمایی زبانا ”جَبّاتا“ بیت.

یوهَنّا 19:13 Кръстосани препратки

مَتّا 27:19

وهدے پیلاتوس هَکدیوانا نِشتگ‌اَت، آییئے جَنا اے کُلئو راه دات که ”گۆن اے بێگناه و نێکێن مردا هچّ مکن، چێا که دۆشی من اِشیئے بارئوا سکّێن پرێشانێن وابے دیستگ.“

لوکا 12:5

من شمارا کَڈّنَ کنان و گوَشان که چه کئیا بتُرسێت. چه هماییا بتُرسێت که کُشتَ کنت و کُشگا رَند دۆزها دئور دئیگئے واکی هم هست. هئو! من شمارا گوَشان که چه هماییا بتُرسێت.

یوهَنّا 19:17

ایسّایا سَلیبِش بَڈّا دات و ”کامپۆل“ نامێن جاگهێا بُرتِش. اے جاگه اَرَمایی زبانا ”جُلْجُتا“ گوَشگَ بیت.

یوهَنّا 19:20

چه یَهودیان بازێنێا اے مئیارنامگ وانت، چێا که ایسّائے سَلیب کَشّگئے جاگه چه شهرا دور نه‌اَت و مئیارنامگ اِبرانی و لاتینی و یونانی زبانان نبیسگ بوتگ‌اَت.

یوهَنّا 19:8

وهدے پیلاتوسا اے هبر اِشکت، گَنتر تُرستی.

یوهَنّا 5:2

اورشَلیما، دَروازگێئے نزّیکّا که آییا پَسئے دروازگَ گوَشنت، هئوزے هست‌اِنت که آییئے چپّ و چاگردا پنچ ائیوان اَنت. اَرَمایی زبانا اے هئوزا بئیت‌هَسْدا گوَشنت.

کاسِدانی کار 4:19

آیان پَسّئو دات: ”وت شئور بکنێت، شمئے هبرئے زورگ شرتر اِنت یا هُدائے؟