یوهَنّا 19:10 - هُدائے پاکێن کتاب، بلۆچی زبانا

¹⁰ پیلاتوسا گوَشت: ”گۆن من هبرَ نکنئے؟ تئو نزانئے که تئیی آزات کنگ و سَلیب کَشّگئے اِهتیار منی دستا اِنت؟“

یوهَنّا 19:10 Кръстосани препратки

دانیال 5:19

هما مزنیئے سئوَبا که هُدایا داتگ‌اَت، سجّهێن کئوم و راج و هر زبانئے مردم چه تُرسا تئیی پیرکئے دێما لَرزِتنت. کَسے که آییا کُشَگَ لۆٹت، کُشتی و کَسے که آییا کُشگَ نلۆٹت، نَکُشتی. کَسے که آییا مزنی دئیگَ لۆٹت، مزنی‌ایَ دات و کَسے که آییا کمشَرَپ کنگَ لۆٹت، کمشَرَپیَ کرت.

یوهَنّا 18:39

بله شمارا رسمے هست که من سَرگوَزئے ائییدئے رۆچا یکّ بندیگے په شما آزات بکنان. شما لۆٹێت که من یَهودیانی بادشاها په شما آزات بکنان؟“

یوهَنّا 19:11

ایسّایا پَسّئو دات: ”اگن هُدایا ترا اے اِهتیار مداتێن، منی سرا ترا هچّ واک و اِهتیارے نێست‌اَت. پمێشکا هما که منا تئیی دستا داتی گێشتر مئیاربار اِنت.“

یوهَنّا 19:9

پیلاتوس پدا وتی کلاتا شت و اۆدا چه ایسّایا جُستی کرت: ”تئو چه کجا آتکگئے؟“ ایسّایا پَسّئو ندات.