یوهَنّا 18:28 - هُدائے پاکێن کتاب، بلۆچی زبانا

²⁸ ایسّااِش چه کئیاپائے کِرّا رومئے والیئے کلاتا برت. اے وهدا سُهب ماهلّه اَت و یَهودی والیئے کلاتا نشُتنت که ناپاک مبنت و سَرگوَزئے ائییدئے ورگا وارت بکننت.

یوهَنّا 18:28 Кръстосани препратки

زَبور 35:16

چۆ هُداناباوران، آیان وتی مسکرا گێش کنانَ کرت و په من دنتانِشَ درُشت.

مَتّا 27:27

والیئے سپاهیگان ایسّا والیئے کۆٹ و ماڑیئے پێشگاها برت و سپاهیگانی سجّهێن لشکر آییئے چپّ و چاگردا مُچّ کرت.

مَرکاس 15:16

سپاهیگان، ایسّا والیئے کۆٹ و ماڑیئے پێشگاها برت و سپاهیگانی سجّهێن لشکر لۆٹت و مُچّ کرت.

لوکا 22:66

وهدے رۆچ بوت، کئومئے کماشانی دیوان، بزان مزنێن دینی پێشوا و شَریَتئے زانۆگر یکجاه بوتنت، ایسّااِش لۆٹت و آورت.

یوهَنّا 11:55

یَهودیانی سَرگوَزئے ائیید نزّیکّ اَت و بازێن مردمے چه مُلکئے سجّهێن هَند و دَمگان اورشَلیما آتکگ‌اَت که چه ائییدا پێسر پاکیزگیئے رسمان پوره بکننت.

یوهَنّا 18:13

ایسّااِش پێسرا هَنّائے کِرّا برت. هَنّا کئیاپائے جَنئے پت اَت و آ سالا کئیاپا مسترێن دینی پێشوا اَت.

یوهَنّا 18:15

شَمون‌پِتْرُس و دگه مُریدے ایسّائے پدا رئوان بوت و شتنت. آ دگه مُریدا گۆن مسترێن دینی پێشوایا پَجّارۆکی هست‌اَت، پمێشکا گۆن ایسّایا مسترێن دینی پێشوائے لۆگئے پێشگاها پُترت.

یوهَنّا 18:33

نون پیلاتوس وتی کلاتا شت و ایسّایی همۆدا لۆٹاێنت و گوَشتی: ”هئو! تئو یَهودیانی بادشاه ائے؟“

یوهَنّا 18:39

بله شمارا رسمے هست که من سَرگوَزئے ائییدئے رۆچا یکّ بندیگے په شما آزات بکنان. شما لۆٹێت که من یَهودیانی بادشاها په شما آزات بکنان؟“

یوهَنّا 19:11

ایسّایا پَسّئو دات: ”اگن هُدایا ترا اے اِهتیار مداتێن، منی سرا ترا هچّ واک و اِهتیارے نێست‌اَت. پمێشکا هما که منا تئیی دستا داتی گێشتر مئیاربار اِنت.“

یوهَنّا 19:14

سَرگوَزئے ائییدئے تئیاریئے رۆچا، نێمرۆچئے وهدا، پیلاتوسا گۆن یَهودیان گوَشت: ”بچارێت، اِش اِنت شمئے بادشاه!“

یوهَنّا 19:9

پیلاتوس پدا وتی کلاتا شت و اۆدا چه ایسّایا جُستی کرت: ”تئو چه کجا آتکگئے؟“ ایسّایا پَسّئو ندات.

کاسِدانی کار 10:28

گۆن آیان گوَشتی: ”شما زانێت که په یَهودیان، گۆن درکئومان هۆر و یکجاه بئیگ رئوا نه‌اِنت و آیانی لۆگان هم نرئونت. بله هُداوندا منا پێش داشت که هچکَسێا ناپاک و پلیت مزانان و ملێکان.

کاسِدانی کار 10:32

نون وتی مردمان دێم په یاپایا رئوان کن و هما شَمونا بلۆٹ و بیار که پِتْرُس هم گوَشنتی. آ، پۆست رَجۆکێن شَمونئے مهمان اِنت که لۆگی تئیابئے نزّیکّا اِنت.‘

کاسِدانی کار 11:3

”تئو سُنّت نکرتگێن درکئومانی گوَرا شتگئے و گۆن آیان یکّێن پَرزۆنَگئے سرا ورگ وارتگ.“

کاسِدانی کار 3:13

اِبراهێم، اِساک و آکوبئے هُدا، بزان مئے پت و پیرُکانی هُدایا، وتی هِزمتکارێن ایسّا شان و شئوکت دات، هما که شما گراێنت و کۆشارێنت و پیلاتوسئے دێما آ نمَنِّت، هرچُنت که پیلاتوسا آییئے آزات کنگئے شئور کرتگ‌اَت.

کاسِدانی کار 4:27

په راستی، همے شهرا هیرودیس، پُنتیوس پیلاتوس، آ دگه درکئومێن مردم و بنی اِسراییلئے سجّهێن کئوم و کَبیله همدست بوتنت و تئیی پاکێن هِزمتکار ایسّائے هلاپا پاد آتکنت، هما ایسّا که تئو گۆن رۆگن پِر مُشگا په بادشاهیا گچێن کرتگ‌اَت.