یوهَنّا 18:12 - هُدائے پاکێن کتاب، بلۆچی زبانا

¹² گڑا رومی پئوجی و آیانی سرمستر و یَهودی سپاهیگان، ایسّا دَزگیر کرت و بَست.

یوهَنّا 18:12 Кръстосани препратки

پێدایش 22:9

وهدے هما جاگها سر بوتنت که هُدایا گوَشتگ‌اَت، اِبراهێما کُربانجاهے اَڈّ کرت، داری سر په سر کرتنت و وتی چُکّ اِساکی بَست و کُربانجاها، دارانی سرا اێر کرت.

پێدایش 40:3

نگهپانانی مسترئے لۆگا بندی کناێنتنت، هما بندیجاها که ایسُّپ بندیگ اَت.

زَبور 118:27

هُداوند، هُدا اِنت، وتی نوری مئے سرا دْرپشێنتگ. ائییدئے کُربانیگا گۆن کُربانجاهئے کانٹان په ساد ببندێت.

مَتّا 26:57

ایسّائے دَزگیر کنۆکان، ایسّا زرت و مسترێن دینی پێشوا کئیاپائے کِرّا برت که اۆدا شَریَتئے زانۆگر و کئومئے کماش مُچّ اَتنت.

مَتّا 27:2

ایسّااِش بست، گِرّان کرت و رومی والی پیلاتوسئے دستا دات.

مَتّا 27:27

والیئے سپاهیگان ایسّا والیئے کۆٹ و ماڑیئے پێشگاها برت و سپاهیگانی سجّهێن لشکر آییئے چپّ و چاگردا مُچّ کرت.

مَرکاس 14:53

ایسّائے دَزگیر کنۆکان، ایسّا زرت و مسترێن دینی پێشوائے کِرّا برت، همۆدا اے دگه مزنێن دینی پێشوا، کئومئے کماش و شَریَتئے زانۆگر مُچّ اَتنت.

مَرکاس 15:1

سَباها ماهلّه مزنێن دینی پێشوا، کئومئے کماش، شَریَتئے زانۆگر و سرۆکانی دیوانئے سجّهێن باسک همشئور بوتنت و ایسّااِش بست، گِرّان کرت و پیلاتوسئے دستا دات.

لوکا 22:54

گڑا، ایسّااِش دَزگیر کرت و مسترێن دینی پێشوائے لۆگا برت. پِتْرُس دور دورا، آیانی پُشتا رئوان اَت.

یوهَنّا 18:3

گڑا یَهودایا، رومی پئوجی و پَریسی و مزنێن دینی پێشوایانی دێم داتگێن لهتێن سپاهیگ زرت و هما باگا برتنت. آیان چِراگ و مَشَل و سِلاه گۆن اَت.

کاسِدانی کار 10:1

کئیسَریَهئے شهرا، کُرنیلیوس نامێن مردے هست‌اَت، که رومی پئوجا، ”ایتالیایی لشکرئے“ سد مردمئے مستر اَت.

کاسِدانی کار 21:31

پولُسِش کُشگی کرتگ‌اَت که رومی لشکرئے مسترا هال رَست سجّهێن اورشَلیما شۆرشے کپتگ.

کاسِدانی کار 21:37

هما وهدا که سپاهیگ پولُسا کلاتا برگا اَتنت، آییا گۆن رومی لشکرئے مسترا گوَشت: ”منا مۆکلَ دئیئے گۆن تئو هبرے بکنان؟“ لشکرئے مسترا جُست کرت: ”زانا، تئو یونانی زبانا بَلد ائے؟

کاسِدانی کار 23:10

وهدے آیانی نیاما اَڑ و جنجال گێشتر بوت، لشکرئے مسترا تُرست، چۆ مبیت پولُسا بجننت و چُنڈ چُنڈ بکننت، پمێشکا سپاهیگی پرمان داتنت که جَهلاد برئونت، پولُسا چه آیانی نیاما په زۆر در بکننت و کلاتا ببرنت.