یوهَنّا 16:32 - هُدائے پاکێن کتاب، بلۆچی زبانا

³² بچارێت، یکّ وهدے کئیت و آ وهد انّون بُنگێج بوتگ که شما سجّهێن شِنگ و شانگَ بێت و هرکَس وتی راها رئوت. منا تهنا یلهَ دئیێت، بله اَنگت تهنا نبان، چێا که منی پت گۆن من گۆن اِنت.

یوهَنّا 16:32 Кръстосани препратки

مَتّا 26:31

گڑا ایسّایا گۆن مریدان گوَشت: ”شما سجّهێن، همے انشپی ٹَگلَ ورێت و منا یلهَ کنێت، چێا که نبیسگ بوتگ: من شپانکا جنان و رمگئے پس شِنگ و شانگَ بنت.

مَتّا 26:56

بله اے پئیما پمێشکا بوت که نبیانی کتابانی پێشگۆیی، راست و پَدّر ببنت.“ گڑا سجّهێن مریدان آ یله دات و جِستنت.

مَرکاس 14:27

ایسّایا گۆن مریدان گوَشت: ”شما سجّهێن ٹَگلَ ورێت و منا یلهَ کنێت. چێا که نبیسگ بوتگ: من شپانکا جنان و پس شِنگ و شانگَ بنت.

مَرکاس 14:50

آ وهدی، مریدان آ یله دات و جِستنت.

یوهَنّا 12:23

ایسّایا آیانی پَسّئوا گوَشت: ”آ وهد آتکگ که انسانئے چُکّئے شان و شئوکت زاهر کنگ ببیت.

یوهَنّا 16:2

شمارا چه کَنیسَهان درَ کننت. چُشێن وهدے هم کئیت که شمئے کُشۆک گُمانَ کننت که گۆن شمئے کُشگا هُدائے هِزمتا کنگا اَنت.

یوهَنّا 16:25

من په نمونه و مسال گۆن شما اے هبر کرتگ‌اَنت، بله یکّ وهدے کئیت که دگه برے په نمونه و مسال هبرَ نکنان، گۆن شما تچکا تچک پتئے بارئوا هبرَ کنان.

یوهَنّا 16:31

ایسّایا پَسّئو دات: ”نون شمارا یکین اِنت.

یوهَنّا 19:27

رَندا گۆن وتی مُریدا گوَشتی: ”اے تئیی مات اِنت.“ آ مُریدا چه هما وهدا مَریَم برت و وتی لۆگا داشت.

یوهَنّا 20:10

رندا آ مُرید وتی لۆگان پِر ترّتنت.

یوهَنّا 4:21

ایسّایا گوَشت: ”بانُک! باور کن، وهدے کئیت که شما هُداێن پتا نه اے کۆهئے سرا پرستشَ کنێت و نه اورشَلیما.

یوهَنّا 4:23

یکّ وهدے کئیت و آ وهد انّون بُنگێج بوتگ که راست و بَرهَکّێن پرستش کنۆک هُداێن پتا گۆن روه و راستی پرستشَ کننت، چێا که پت همے ڈئولێن مردمانی لۆٹۆک اِنت که آییئے پرستشا بکننت

یوهَنّا 5:25

باور کنێت، یکّ وهدے کئیت و اے وهد انّون بُنگێج بوتگ که مُردگ هُدائے چُکّئے تئوارا اِشکننت و هرکَس که بِشکنت پدا زندگَ بیت.

یوهَنّا 5:28

چه اِشیا هئیران و هَبَکّه مبێت، چێا که یکّ وهدے کئیت که سجّهێن مُردگ آییئے تئوارا اِشکننت و چه وتی کَبران درَ کایَنت. نێک‌کار دێم په اَبدمانێن زِندا رئونت و بدکار دێم په مئیاریگ بئیگا.

یوهَنّا 8:16

اگن شئور و هُکمے ببُرّان هم، منی دادرسی بَرهَکّ اِنت، چێا که اے کارئے تها من تهنا نه‌آن، هما پت که منا راهی داتگ گۆن من هۆر اِنت.

یوهَنّا 8:29

منی دێم دئیۆک گۆن من گۆن اِنت، آییا منا تهنا و اێوَک نکرتگ، چێا که من مُدام هما کارانَ کنان که آییا گَل و شادانَ کننت.“

کاسِدانی کار 21:6

چه یکدومیا رُکست بئیگا رند، ما بۆجیگا سوار بوتێن و آ وتی لۆگان پِر ترّتنت.

کاسِدانی کار 8:1

شاوول چه اِسْتیپانئے کۆشا رازیگ اَت. آ رۆچا، اورشَلیمئے کِلیسائے سرا سکّێن آزارے بُنگێج بوت. اَبێد چه کاسِدان، آ دگه سجّهێن باوَرمند، یَهودیَه و سامِرَهئے چپّ و چاگردا شِنگ و شانگ بوتنت.