یوهَنّا 15:24 - هُدائے پاکێن کتاب، بلۆچی زبانا

²⁴ اگن آیانی دێما من آ کار مکرتێننت که دگه کَسّا نکرتگ‌اَنت، بێمئیار اَتنت. بله نون وَه آیان اے کار دیستگ‌اَنت و اَنگت چه من هم نَپرتَ کننت و چه منی پتا هم.

یوهَنّا 15:24 Кръстосани препратки

زَبور 81:15

هما که چه هُداوندا نپرتَ کننت، دوتل و سرجهل بوتگ‌اتنت، تان اَبد اَنچش بوتگ‌اَت.

دَرگوَز 20:5

اِشانی دێما سرا جَهل مکن و سُجدهِش مکن. چێا که من تئیی هُداوندێن هُدا هَسَدّیگێن هُداے آن. پِتانی رَدکاریانی سِزایا آیانی چُکّانَ دئیان. آ که چه من نپرتَ کننت، آیانی ردکاریانی سِزایا آیانی سئیمی و چارمی نَسل و پَدرێچا دئیان.

مَتّا 11:5

کۆر گِندگ و مئیم کنگا اَنت، لَنگ تَرّگ و راه رئوگا اَنت، گَرّی پاک و پَلگار بئیگا اَنت، کَرّ اِشکنگا اَنت، مُردگ زندگ بئیگا اَنت و بَزّگ و نێزگاران وشّێن مِستاگ سر بئیگا اِنت.

مَتّا 21:32

چێا که یَهیا پهرێزکاریئے راه و رستَها شمئے کِرّا آتک، بله شما آییئے سرا ایمان نئیاورت. سُنگی و بَدکارێن جنێنان آییئے سرا ایمان آورت و شما اے چیزّ گۆن وتی چمّان دیست، بله اَنگت شما تئوبه نکرت و آییئے سرا ایمان نئیاورت.

مَتّا 9:33

اَنچُش که ایسّایا جِنّ کَشّت، گُنگ هبر کنگا لگّت. سجّهێن مردم هئیران بوتنت و گوَشتِش: ”چُشێن کار هچبر اِسراییلا گِندگ نبوتگ.“

مَرکاس 2:12

گڑا مرد سجّهێنانی دێما پاد آتک، وتی نِپادی زرتنت و ڈنّا شت. سجّهێن مردم هئیران بوتنت، هُدااِش ستا کرت و ساڑات و گوَشتِش: ”ما چُشێن کار هچبر ندیستگ‌اَت.“

لوکا 24:19

جُستی کرت: ”چه کجام سَرهالان؟“ گوَشتِش: ”هما که ایسّا ناسِریئے سرا آتکنت. آ، پئیگمبرے اَت که آییئے کار و هبران، هُدائے بارگاه و مردمانی گوَرا، بازێن زۆر و کدرتے مان اَت.

یوهَنّا 10:32

ایسّایا گۆن آیان گوَشت: ”من چه پتئے نێمگا بازێن نێکێن کارے کرتگ و شمارا پێش داشتگ. په کجام کارا منا سِنگسارَ کنێت؟“

یوهَنّا 10:37

اگن من وتی پتئے کاران مکنان، منی سرا ایمان مئیارێت.

یوهَنّا 12:10

پمێشکا مزنێن دینی پێشوایان ایلازَرئے کُشگئے شئور هم کرت،

یوهَنّا 12:45

هرکَس که منا گندیت، منی دێم دئیۆکا هم گندیت.

یوهَنّا 14:9

ایسّایا گوَشت: ”او پیلیپُس! اینچُک وهد اِنت که من گۆن شما گۆن آن و تئو اَنگت منا نزانئے؟ هرکَسا که منا دیستگ، منی پتی هم دیستگ. گڑا تئو چۆنَ گوَشئے که پتا مارا پێش بدار؟

یوهَنّا 15:21

په منی نامئیگی گۆن شما اے ڈئولا کننت، چێا که منی دێم دئیۆکا نزاننت.

یوهَنّا 15:22

اگن من مئیاتکێنان و گۆن آیان هبرُن مکرتێن، آ بێمئیار اَتنت. بله نون آیان په وتی گناهان هچّ اُزر و نیمّۆنے نێست.

یوهَنّا 15:23

هرکَس که چه من نَپرتَ کنت، چه منی پتا هم نَپرتَ کنت.

یوهَنّا 16:9

گناها زاهرَ کنت، چێا که مردم منی سرا ایمانَ نئیارنت؛

یوهَنّا 3:2

یکّ شپے ایسّائے کِرّا آتک و گۆن آییا گوَشتی: ”او استاد! ما زانێن که تئو استادے ائے و چه هُدائے نێمگا آتکگئے، چێا که تان هُدا گۆن کَسێا گۆن مبیت، آ اے ڈئولێن مۆجزه و اَجَبَّتێن نشانی پێش داشتَ نکنت که تئو پێش دارگا ائے.“

یوهَنّا 5:36

بله منا چه یَهیایا مسترێن شاهد هست. همے کار که پتا منی دستا داتگ‌اَنت که سَرجمِش بکنان و من سَرجمِشَ کنان، همے کار منی شاهد اَنت که منا پتا رئوان داتگ.

یوهَنّا 6:36

بله هما ڈئولا که گوَشتُن، شما منا دیستگ و اَنگت باورَ نکنێت.

یوهَنّا 7:31

چه مُچّیئے مردمان بازێنێا آییئے سرا ایمان هم آورت و گوَشت: ”وهدے مَسیهَ کئیت، چه اے مردا گێشتر مۆجزه و اَجَبَّتێن نشانی پێشَ داریت؟“

یوهَنّا 9:32

چه اَزلا کَسّا هچبر نه‌اِشکتگ که یکّێا پێدائِشی کۆرے بینا کرتگ.

یوهَنّا 9:41

ایسّایا گوَشت: ”اگن کۆر بوتێنێت شمارا گناه و مئیارے پِر نێست‌اَت، بله پمێشکا شمئے مئیارباریَ مانیت که گوَشێت: ’ما بینا اێن.‘“

کاسِدانی کار 10:38

اے کار همِش اَت که هُدایا گۆن وتی پاکێن روه و زۆرا، ایسّا ناسِریئے سرا رۆگن پِر مُشت. اے ڈئولا آ، هر جاه که شت، گۆن وتی نێکێن کاران، آ سجّهێن مردم که شئیتانئے بندیگ اَتنت دْراهیَ کرتنت، چێا که هُدا گۆن آییا گۆن اَت.

کاسِدانی کار 2:22

او اِسراییلیان! دِلگۆش کنێت. اَنچُش که شما وتَ زانێت، هُدایا شمئے نیاما مۆجزه و اَجِکّایی و اَجَبَّتێن نشانی چه ایسّا ناسِریئے نێمگا زاهر و پَدّر کرت و اے ڈئولا په آییا گواهی داتی.

پولُسئے کاگد په رومیان 1:30

بُهتام جنۆک، هُدابێزار، بےاَدب، گُروناک، بَٹاک جنۆک، بدکِردیئے جۆڑێنۆک، پت و ماتئے ناپرمان،

په تیموتاووسا پولُسئے دومی کاگد 3:4

درۆهۆک، بێپرواه و پُرکِبرَ بنت و هُدائے بدلا ائیش و نۆشا دۆستَ دارنت.

آکوب 4:4

او زِنهکاران! نزانێت که دنیائے دۆستی، هُدائے دُژمنی اِنت؟ هرکَس که دنیائے دۆستیئے رندا اِنت، وتا هُدائے دژمنَ جۆڑێنیت.