یوهَنّا 13:8 - هُدائے پاکێن کتاب، بلۆچی زبانا

⁸ پِتْرُسا گوَشت: ”من هچبرَ نئیلان که تئو منی پادان بشۆدئے.“ ایسّایا گوَشت: ”اگن ترا مشۆدان، ترا چه من هچّ وَنڈ و بهرے نرسیت.“

یوهَنّا 13:8 Кръстосани препратки

پێدایش 42:38

بله آکوبا گوَشت: ”منی چُکّ گۆن شما نئیئیت گۆن. آییئے برات مُرتگ و بَسّ جندی پَشت کپتگ. اگن شمئے اے سپرا تاوانے برسیتی، من چه گَمانَ مِران و منی پیرێن سرئے هۆن شمئے گردنا بیت.“

زَبور 51:2

په سَرجمی منا چه مئیارباریان بشۆد و چه گناهانُن پاک کن!

زَبور 51:7

گۆن زوپائے لمبان پاکُن کن که پاکیزگَ بان، منا بشۆد که چه برپا اسپێت‌ترَ بان.

مَتّا 16:22

پِتْرُسا آ یکّ کِرّے کَشّت و په ایراز گوَشتی: ”او هُداوند! هُدا چُش مکنات. گۆن تئو هچبر اے پئیما نبیت.“

مَتّا 21:29

آییا پَسّئو دات: ’منَ نرئوان،‘ بله رَندا پشۆمان بوت و شت.

مَتّا 26:33

گڑا پِتْرُسا درّاێنت: ”اگن سجّهێن ٹَگل بوَرنت و ترا یله بدئینت، من هچبر ٹَگلَ نئوَران.“

مَتّا 26:35

بله پِتْرُسا گوَشت: ”اگن گۆن تئو منی سر هم برئوت، چه تئیی پَجّاه آرگا هچبرَ نبجّان.“ اے دگه سجّهێن مریدان هم اَنچُش گوَشت.

یوهَنّا 13:6

وهدے شَمون‌پِتْرُسئے باریگ آتک، آییا گوَشت: ”او هُداوند! تئو منی پادانَ شۆدئے؟“

یوهَنّا 13:9

شَمون‌پِتْرُسا گوَشت: ”او هُداوند! اگن اے گپّ اِنت، گڑا تهنا منی پادان نه، منی سر و دستان هم بشۆد.“

یوهَنّا 3:5

ایسّایا پَسّئو دات: ”ترا راستێنَ گوَشان، تانکه کَسے چه آپ و روها پێدا مبیت، هُدائے بادشاهیا پاد اێر کرتَ نکنت.

کاسِدانی کار 22:16

نون چێا مهتل ائے؟ پاد آ، ایسّائے ناما بگر، پاکشۆدی بکن که چه وتی گناه و مئیاران پاک و پَلگار ببئے.‘

په تیتوسا پولُسئے کاگد 3:5

هُدایا مارا رکّێنت. مارا مئے نێکێن کارانی سئوَبا نرکّێنتی، وتی رهمئے سئوَبا رکّێنتی. آییا مارا شُشت و پاکێن روهئے برکتا نۆکێن زندے دات و اے پئیما مارا رکّێنتی.

اِلهام 7:14

من پَسّئو دات: ”واجه! تئو وتَ زانئے.“ نون آییا گۆن من گوَشت: ”اے هما اَنت که چه مزنێن اَزابا در آتکگ‌اَنت و وتی پۆشاکِش گۆن گوَرانڈئے هۆنا شُشتگ و اسپێت کرتگ‌اَنت.