یوهَنّا 13:18 - هُدائے پاکێن کتاب، بلۆچی زبانا

¹⁸ اے هبران که منَ کنان شمئے سجّهێنانی بارئوا نه‌اَنت. آ مردم که من گچێن کرتگ‌اَنت، آیانَ زانان. بله پاکێن کتابئے اے هبر راست و سَرجم بئیگی اِنت که گوَشیت: هما کَس که گۆن من یَکجاه ورَگی وارتگ، هما منی هلاپا پاد آتکگ.

یوهَنّا 13:18 Кръстосани препратки

زَبور 41:9

تنتنا منی نزّیکێن دۆست که چه آییا دلجم اتان، هما که گۆن من همکاسگ اَت، آییا هم منا درۆهتگ.

مَتّا 10:36

بزان هرکَسئے دژمن آییئے وتی مردمَ بنت.

مَتّا 26:21

ورگئے وهدا آییا گۆن مریدان گوَشت: ”باور کنێت، چه شما یکّے منا درۆهیت و دژمنانی دستا دنت.“

مَتّا 26:23

آییا پَسّئو تَرّێنت: ”آ که انّون گۆن من همکاسگ بوت، هما منا دْرۆهیت.“

مَرکاس 14:17

بێگاه که بوت، ایسّا گۆن دوازدهێن مریدان همۆدا آتک.

مَرکاس 14:18

وهدے پَرزۆنَگئے سرا نِشتگ‌اَتنت و شام ورگا اَتنت، گوَشتی: ”باور کنێت، چه شما یکّے که انّون گۆن من نِشتگ و شام ورگا اِنت، منا دْرۆهیت و دژمنانی دستا دنت.“

مَرکاس 14:20

ایسّایا پَسّئو دات: ”چه شما دوازدهێنان یکّے، هما که انّون گۆن من همکاسگ اِنت.“

لوکا 22:21

بله، هما که منا درۆهیت، آییئے دست گۆن منی دستا یکّێن پَرزۆنَگا اِنت.

یوهَنّا 13:21

وهدے ایسّایا اے هبر کرت، چه دل و درونا سکّ پَدَرد بوت و په دلجمی گوَشتی: ”من شمارا راستێنَ گوَشان، چه شما یکّے منا دْرۆهیت.“

یوهَنّا 13:22

مُریدان یکدومیئے نێمگا چارت، هئیران اَتنت که ایسّا کئیی بارئوا گپّا اِنت.

یوهَنّا 13:26

ایسّایا پَسّئو دات: ”آ هما اِنت که من چُنڈے نَگن کاسگا پِرَ جنان و دئیانی.“ گڑا نَگنی پِر جت و شَمون اِسْکَریوتیئے چُکّ، یَهودایارا داتی.

یوهَنّا 15:16

شما منا گچێن نکرتگ، من شمارا گچێن کرتگ و دێم داتگ که شما برئوێت و بَر و سَمر بیارێت، اَبدمانێن بَر و سَمر. گڑا هرچے که منی نامئے سرا چه پتا بلۆٹێت، شمارا دنت.

یوهَنّا 15:19

اگن شما اے دنیایی مردم بوتێنێت، دنیایا شمارا وتیگانی ڈئولا دۆست داشتگ‌اَت. بله شما دنیایی مردم نه‌اێت و من شمارا چه اے دنیایا در چِتگ، پمێشکا دنیا چه شما نپرتَ کنت.

یوهَنّا 15:25

آیانی شَریَتا نبشته اِنت که ’مُپتا چه من نَپرتِش کرت.‘ اے ڈئولا اے هبر راست و سَرجم بوت.

یوهَنّا 17:12

تان هما وهدا که من گۆن اِشان گۆن بوتگان، هما نامئے زۆرا که تئو منا داتگ، اِشانی نِگهپانی‌اُن کرتگ. چه اِشان یکّے هم تباه نبوت، اَبێد چه هما یکّێنا که وت تباهیئے هکدار اَت، تانکه پاکێن کتابئے هبر راست و سَرجم ببنت.

یوهَنّا 18:32

اے ڈئولا بوت تانکه ایسّائے هما هبر راست و سَرجم ببیت که وتی مرکئے وَڑ و پئیمئے بارئوا کرتگ‌اَتی.

یوهَنّا 19:24

گڑا آیان وت‌مان‌وتا گوَشت: ”بیاێت، اِشیا ندِرّێن، اِشیئے سرا لاٹری و کُرَه‌کشّیَ کنێن، چارێن بارێن کئیا رسیت؟“ هما ڈئولا که هُدائے پاکێن کتابَ گوَشیت، هما ڈئولا بوت: ”منی پُچِّش وت‌مان‌وت بهر کرتنت و جامگئے سرا کُرَه‌کشّی‌اِش کرت.“ پئوجیان همے کار کرت.

یوهَنّا 19:36

اے کار هما ڈئولا بوت تانکه پاکێن کتابئے اے هبر راست و سَرجم ببیت که گوَشیت: ”آییئے هچّ هڈّ پرۆشگَ نبیت.“

یوهَنّا 21:17

سئیمی برا گوَشتی: ”او شَمون، یوهَنّائے چُکّ! بارێن، منا دۆستَ دارئے؟“ ایسّایا که سئیمی برا جُست کرت که منا دۆستَ دارئے، پِتْرُس گمیگ بوت. گوَشتی: ”او هُداوند! تئو هر چیزَّ زانئے، تئو زانئے که من ترا دۆستَ داران.“ ایسّایا گوَشت: ”گڑا منی پَسان بچارێن.

یوهَنّا 6:70

ایسّایا گوَشت: ”من شمارا گچێن کرت، دوازدهێنُن گچێن کرتنت، بله پدا هم چه شما یکّے اِبلیسے.“

کاسِدانی کار 1:16

گوَشتی: ”او براتان! هُدائے پاکێن کتابئے تها، هرچے که پاکێن روها ایسّائے دَزگیر کنۆکانی رهشۆن، یَهودائے بارئوا چه داوودئے زبانا پێشگۆیی کرتگ‌اَت، اَلّما پوره و سَرجم بئیگی اَت.

کاسِدانی کار 1:2

تان هما رۆچا که دێم په آسمانا برگ بوت، هر کارے که آییا کرتگ‌اَت و هر تالیمے که آییا داتگ‌اَت، من ترا سهیگ کرت. ایسّایا په وتی کاسِدیا، لهتێن مردم پێسرا گچێن کرتگ‌اَت و چه هُدائے پاکێن روهئے نێمگا هُکمی داتگ‌اَتنت و گوَشتگ‌اَتنتی که آیانی کار چے اَنت.

اِلهام 2:23

من آییئے چُکّان وباے دئیان و کُشان، گڑا سجّهێن کِلیسا زاننت که من هما آن که دل و هئیالانی هالان درَ گێجیت و من شما هرکَسا آییئے کارانی هسابا مُزَّ دئیان.