یوهَنّا 12:40 - هُدائے پاکێن کتاب، بلۆچی زبانا

⁴⁰ ”آیانی چمّی کۆر و دلی سنگ کرتگ‌اَنت که گۆن چمّان مگندنت، گۆن دلان سَرپد مبنت و دێم په من پِر مترّنت. اگن منی کِرّا بیاتکێننت، من دْراه کرتگ‌اَتنت.“

یوهَنّا 12:40 Кръстосани препратки

زَبور 147:3

پْرُشته‌دِلان دْراهَ کنت و ٹپّانِشَ بندیت.

زَبور 41:4

من گوَشت: ”او هُداوند! منی سرا رهم کن، منا دْراه کن که تئیی گُنهکار آن.“

زَبور 6:2

هُداوندا! منی سرا رهم کن چیا که گیمّرتگان. او هُداوند! منا دْراه بکن چیا که جسم و جانُن پرێشان اِنت.

دَرگوَز 10:1

هُداوندا گۆن موسّایا گوَشت: ”پِرئونئے کرّا برئو. من پِرئونئے دل و آییئے هِزمتکارانی دل پمێشکا سِنگ کرتگ‌اَنت که وتی اے نشانیان آیانی دێما زاهر بکنان و

دَرگوَز 11:10

موسّا و هارونا پِرئونئے دێما اے سجّهێن مۆجزه پێش داشتنت، بله هُداوندا پِرئونئے دل سِنگ کرت و پِرئونا اِسراییلی چه وتی مُلکا رئوگا نه‌اِشتنت.

دَرگوَز 14:17

من مِسریانی دلان سِنگَ کنان که اِسراییلیانی رندا بکپنت و پِرئون و آییئے سجّهێن پئوج و اَرّابه و اَرّابه‌سوار منی شان و شئوکتئے سئوَب‌ساز ببنت.

دَرگوَز 14:4

من، پِرئونئے دلا سِنگَ کنان و آ اِسراییلیانی رَندا کپیت. پِرئون و آییئے سجّهێن پئوج منی شان و شئوکتئے سئوَب‌سازَ بنت. گڑا مِسریَ زاننت که من هُداوند آن.“ اِسراییلیان همۆدا اُرد کرت که هُداوندا گوَشتگ‌اَت.

دَرگوَز 14:8

هُداوندا مِسرئے بادشاه پِرئونئے دل سِنگ کرت و پِرئون اِسراییلیانی رندا کپت که په سربُلندی در آیگ و رئوگا اَتنت.

دَرگوَز 4:21

هُداوندا گۆن موسّایا گوَشت: ”وهدے پدا مِسرا رئوئے، بچار، هما سجّهێن مۆجِزه که من تئیی دستا داتگ‌اَنت، پِرئونئے دێما آ مۆجِزَهان بکن و پێش دار، بله من آییئے دلا سِنگَ کنان که کئوما رئوگا مئیلیت.

دَرگوَز 7:13

بله اَنچۆ که هُداوندا گوَشتگ‌اَت، پِرئونئے دل اَنگت سِنگ اَت و آیانی هبری گۆش نداشتنت.

دَرگوَز 7:3

بله من پِرئونئے دلا سِنگَ کنان. من مِسرئے مُلکا بازێن اجبّتێن نشانی و مۆجزهے پێشَ داران،

دَرگوَز 9:12

بله هُداوندا پِرئونئے دل سِنگ کرت و هما پئیما که هُداوندا گۆن موسّایا گوَشتگ‌اَت، پِرئونا آیانی هبر گۆش نداشتنت.

مَتّا 15:14

شما آیان بئے مکنێت، آ کۆرانی کۆرێن رهشۆن اَنت، وهدے یکّ کۆرے دومی کۆرا راها شۆنَ دنت گڑا دوێن چاتا کپنت.“

مَرکاس 4:12

تانکه: گۆن چمّان بچارنت، بله مگندنت گۆن گۆشان بِشکننت، بله سَرکِچ مئوَرنت، هُدائے نێمگا پِر مترّنت و بَکشگ مبنت.“

مَرکاس 6:52

چێا که آیان اَنگت نگنئے مۆجزه سَرکِچ نئوارتگ‌اَت، دلِش سکّ و سِنگ اَت.

لوکا 4:18

”هُداوندئے روه منی سرا اِنت، آییا منا رۆگن پِر مُشتگ تانکه وار و نێزگاران وشّێن مِستاگے برسێنان، منا دێمی داتگ که بندیگ و اَسیران آزاتیئے بشارتا بدئیان و په کۆران بیناییئے مِستاگا برسێنان، زُلم دیستگێنان برَکّێنان و

لوکا 8:10

آییا پَسّئو دات: ”هُدایا شمئے دلئے چمّ پَچ کرتگ‌اَنت، که شما آییئے بادشاهیئے رازان سرپد ببێت، بله په آ دگه مردمان، مِسال و دَروَر اَنت و بَسّ، تانکه: ’گۆن چمّان بچارنت، بله مگندنت گۆن گۆشان بِشکننت، بله سَرکِچ مئوَرنت.‘

یوهَنّا 12:39

گڑا آیان باور کرت نکرت، چێا که اِشئیایا دگه جاگهے هم گوَشتگ‌اَت:

یوهَنّا 9:39

گڑا ایسّایا گوَشت: ”من په دادرسی کنگا اے دنیایا آتکگان، تانکه کۆر بینا ببنت و بینا کۆر.“

کاسِدانی کار 15:3

کِلیسایا آیانی راه دئیگئے چِن و لانچ کرت و آیان چه پینیکیَه و سامِرَهئے راها گوَزان، هر جاه اے وشّێن هال دات که بازێن درکئومان هم چِه پئیما هُدائے راه زرتگ. چه اے هالئے اِشکنگا، سجّهێن برات باز وشّ و شادان بوتنت.

کاسِدانی کار 28:26

’اے کئومئے گوَرا برئو و بگوَش: ”گۆن گۆشانَ اِشکنێت، بله سَرکِچَ نئوَرێت، گۆن چمّانَ چارێت بله نگندێت،“

کاسِدانی کار 3:19

نون چه وتی گناهان پشۆمان ببێت و تئوبه بکنێت و دێم په هُدایا واتَرّ بکنێت تانکه شمئے گناه و مئیار شۆدگ ببنت،

پولُسئے کاگد په رومیان 9:18

گڑا بزان، هُدا هرکَسئے سرا که بلۆٹیت رَهمَ کنت و هرکَسئے دلا که بلۆٹیت سِنگَ کنت.