یوهَنّا 1:40 - هُدائے پاکێن کتاب، بلۆچی زبانا

⁴⁰ اے دوێن مردم که یَهیائے هبرانی اِشکنگا رَند ایسّائے رَندا کپت و شُتنت، چه اِشان یکّے شَمون‌پِتْرُسئے برات اَنْدْریاس اَت.

یوهَنّا 1:40 Кръстосани препратки

مَتّا 10:2

آ دوازدهێن کاسِدانی نام اِش اَنت: پێسرا، شَمون که پِتْرُس هم گوَشگَ بیت و آییئے برات اَنْدْریاس، رندا زِبْدیئے چُکّ، آکوب و آییئے برات یوهَنّا،

لوکا 5:1

یکّ رَندے ایسّا گِنیسارِتئے مَزَن‌گوَرمئے لَمبا اۆشتاتگ‌اَت و مردم هُدائے هبرانی گۆش دارگا، یکدومیا تێلانک دئیان، آییئے چپّ و چاگردا مُچّ اَتنت.

یوهَنّا 1:39

گوَشتی: ”بیاێت و بچارێت.“ گڑا دوێن گۆن ایسّایا آتکنت و دیستِش که کجا نِشتگ و آ رۆچِش گۆن آییا گوازێنت. بێگاهئے وهد اَت.

یوهَنّا 2:2

ایسّا و آییئے مُریدِش هم لۆٹتگ‌اَتنت.

یوهَنّا 4:33

مُریدان وت‌مان‌وتا گوَشت: ”بارێن، کَسێا په آییا وراک آورتگ؟“

یوهَنّا 6:8

چه آییئے مُریدان یکّے که نامی اَنْدْریاس اَت و شَمون‌پِتْرُسئے برات اَت، گوَشتی:

کاسِدانی کار 1:13

وهدے شهرا رَستنت، هما بُرزادی بانا شتنت که پێسرا همۆدا بوتگ‌اَتنت. اے مُچّیئے مردمانی نام اِش اَتنت: پِتْرُس، یوهَنّا، آکوب، اَنْدْریاس، پیلیپُس، توما، بَرتولوما، مَتّا، هَلْپیئے چُکّ آکوب، سَرمچارێن شَمون و آکوبئے چُکّ یَهودا.