آکوب 3:5 - هُدائے پاکێن کتاب، بلۆچی زبانا

⁵ همے ڈئولا، زبان و لِلّک هم انسانئے جسمئے یکّ هُردُکێن بهرے بله مزنێن گُرّگَ جنت. اَنچُش که آسئے هُردێن تریشکُکے، مزنێن جنگلے سۆچیت،

آکوب 3:5 Кръстосани препратки

زَبور 10:3

چیا که بدکارا وتی دلئے واهگانی سرا پَهر اِنت، لالچ کنۆکان برکتَ دنت و هُداوندا بد و ردَ گوَشیت.

زَبور 17:10

آ وتی سِنگێن دلان مُهرَ کننت و آیانی زبان پُرکِبر و گُروناکێن هبرَ کنت.

زَبور 39:1

گوَشتُن که ”پهرێزَ کنان تان گۆن وتی زبانا گناه مکنان. تان وهدے بدکارے منی کِرّا اِنت وتی دپا لگامَ کنان.“

دَرگوَز 15:9

دُژمنا گوَشت: ’من اِشانی رندا کپان و رسێنانِش، مالانی آوارا بهرَ کنان و وتی اَرواها سێراپَ کنان. زهما کَشّان و منی دستِش تباهَ کنت.‘

دَرگوَز 5:2

بله پِرئونا گوَشت: ”یَهوِه کئے اِنت که من آییئے گپّا گۆش بداران و بنی اِسراییلا رئوگا بِلّان؟ من یَهوِها نزانان و بنی اِسراییلا رئوگا نئیلان.“

دانیال 3:15

اے رندا، اگن شما کَرنا، نَل، چَنگ، سرۆز، تَمبورگ، ڈُهل و اے دگه سجّهێن ساز و زێملانی تئوار اِشکت و منی اَڈّ کرتگێن بُتئے دێما کپگ و سُجده کنگا تئیار اێت وَه شرّ، بله اگن شما سُجده نکرت گُڑا هما دَمانا رۆکێن کورَهئے تها دئور دئیگَ بێت. آ وهدا بارێن کجام هُدا شمارا چه منی دستا رَکّێنیت؟“

دانیال 4:30

بادشاها گوَشت: ”اے هما مزنێن بابِل نه‌اِنت که من گۆن وتی زبردستێن زۆرا اَڈّ کرت که منی پُرمڑاهێن شان و شئوکتا زاهر بکنت و منی شاهی کَلات ببیت؟“

آکوب 3:4

ٹوهێن بۆجیگان بچارێت. هرچُنت که باز مزن اَنت و په آیانی دێما برگا تْرندێن گوات پکار اِنت، بله ناهُدا بۆجیگا گۆن هُردێن سُکّانے هر جاه که بلۆٹیت بارت.

پِتْرُسئے دومی کاگد 2:18

اے، بَٹاکَ جننت و هبرِش پوچ و هالیگ اَنت. هما مردمان گۆن جسمی بدێن واهگان پرێبَ دئینت و وتی داما پِرّێننت که نۆکی چه رَدکارانی دستا رَکّتگ‌اَنت.

یَهودائے کاگد 1:16

اے مردم، گلّه‌گزار، ایرازگِر و وتی بدکاری و سِلّێن واهگانی بُڈّتگێن اَنت، په وت پهرَ بندنت و په وتی نپ و سوتّان گۆن چاپلوسی و چَرپ‌زبانی مردمان ستا کننت.