پێدایش 9:2 - هُدائے پاکێن کتاب، بلۆچی زبانا

² زمینئے سجّهێن هئیوان، آسمانئے سجّهێن بالی مُرگ، سجّهێن لاپکَشّ و دریائے سجّهێن ماهیگ شمئے تُرس و بیمّئے چێرا بنت. اے سجّهێن شمئے دستا دئیگ بوتگ‌اَنت.

پێدایش 9:2 Кръстосани препратки

پێدایش 1:21

گڑا هُدایا مزنێن دریایی سَهدار و وڑ وڑێن دگه سَهدار اَڈّ کرت که اے، وتی تَهرئے هسابا رَم جۆڑ بوتنت و دریااِش پُرّ کرت. همے پئیما وڑ وڑێن بالی مُرگی اَڈّ کرت، آیانی جندئے تَهرئے هسابا. هُدایا دیست که اے کار شَرّ بوت.

پێدایش 1:26

هُدایا گوَشت: ”بیا اِنسانا وتی جندئے درۆشما اَڈَّ کنێن، وتی شِکلا که دریائے ماهیگ، آسمانئے مُرگ، دَلوَت، سجّهێن وَکشیێن هئیوان و لاپکَشّێن جانوَرانی سرا هاکمی بکنت.“

پێدایش 1:28

هُدایا آ، برکت دات و گوَشتنت: ”چُکّ و بَر کنێت، باز ببێت و زمینا پُرّ کنێت و زمینئے سرا هاکمی بکنێت. دریائے ماهیگ، آسمانئے مُرگ و زمینئے سجّهێن سُرِندَهانی سرا هاکمی بکنێت.“

پێدایش 2:19

هُداوندێن هُدایا چه هاکا زمینئے سرئے سجّهێن وَکشیێن هئیوان و آسمانئے سجّهێن مُرگ جۆڑ کرتگ‌اَتنت. نون آ سجّهێنی مردئے کِرّا آورتنت تان بچاریت که بارێن مَرد آیان کجام نامان تئوارَ کنت. هر نامێا که مَردا آ سَهدار تئوار کرتنت، هما آیانی نام بوت.

پێدایش 35:5

نون آ راه گپتنت. هُدائے تُرسا آیانی چپّ و چاگردئے سجّهێن شهرانی سرا مان شانت و کَسّ آیانی رندا نکپت.

پێدایش 9:1

هُدایا نوه و آییئے چُکّ برکت دات و گوَشتنت: ”چُکّ و بَر کنێت و گێش ببێت و دنیایا پُرّ کنێت.

پێدایش 9:3

هر سُرِنده که ساهی مان اِنت، شمئے وراکَ بیت و اَنچۆ که من شمارا سبزگ داتگ‌اَنت، نون هر چیزَّ دئیان.

آکوب 3:7

هر ڈئولێن جانوَر، بالی مُرگ، مار و گۆج و دریایی سَهدار رامگ کنگَ بنت و انسانا اے کار کرتگ،