پێدایش 8:1 - هُدائے پاکێن کتاب، بلۆچی زبانا

¹ هُدایا نوه و هما سجّهێن وَکشیێن هئیوان و دَلوَت یات کرتنت که نوهئے همراهیا بۆجیگا اَتنت. هُدایا زمینئے سرا گواتے راه دات و آپ اێر آیان بوت.

پێدایش 8:1 Кръстосани препратки

پێدایش 19:29

هُدایا که دشتئے شهر سَر و چێر کرتنت، اِبراهێمئے تْرانگا کپت. هما شهران که لوت جَهمنند بوتگ‌اَت، آیانی تباه کنگئے وهدا هُدایا لوت چه اۆدا در کرت.

پێدایش 30:22

نون هُدا راهیلئے ترانَگا کپت، آییئے نێمگا دلگۆشی گوَر کرت و چُکّے بَکشاتی.

پێدایش 9:10

گۆن هر سَهدارا که شمئے کرّا اِنت، بالی مُرگ، دَلوَت و وَکشیێن هئیوان و هر یکّ چیزّێا که گۆن شما چه بۆجێگا در آتکگ، گۆن زمینئے هَمُک سَهدارا هم اے اَهد و پئیمانا کنان.

زَبور 105:42

چێا که وتی پاکێن کئولی یات اَت که گۆن وتی هزمتکارێن اِبراهێما کرتگ‌اَتی.

زَبور 106:4

او هُداوند! هما وهدا که وتی مردمانی سرا رهمَ کنئے، منا مشَمۆش. منی کِرّا بیا و منا برَکّێن

زَبور 115:12

هُداوندا مارا یات کرتگ و مارا برکتَ دنت، اِسراییلئے لۆگا برکتَ دنت، هارونئے لۆگا برکتَ دنت.

زَبور 132:1

او هُداوند! داوودا یات کن و آییئے سَکّی و سۆریان.

زَبور 136:23

هما که مارا مئے کَمشَرَپیان یاتی کرت، مِهری اَبدمان اِنت.

زَبور 137:7

او هُداوند! یاتا بدار که اورشَلیمئے کپگئے رۆچا اِدومیان چے کرت. ”پرۆشێتی“ آیان گوَشت، ”چه بُنا پرۆشێتی.“

زَبور 29:10

هُداوند هار و توپّانئے سربرا، وتی تهتئے سرا نِشتگ، هُداوند تان اَبد وتی بادشاهی تهتئے سرا نِشتگ.

زَبور 36:6

تئیی اَدل و راستی بُرزترێن کۆهانی ڈئولا اِنت و اِنساپ، مزنێن جُهلانکیانی. او هُداوند! تئو ائے که انسان و هئیوانئے رَکّێنۆک ائے.

دَرگوَز 14:21

موسّایا وتی دست دریائے سرا شهار دات و چه هُداوندئے زۆرا سجّهێن شپا چه رۆدراتکا ترُندێن گواتێا کَشِّت و دریا پُشتا کِنزێنت. آپ دو بهر بوت و هُشکی زاهر بوت.

دَرگوَز 15:10

بله تئو هُپّ کرت و دریایا آ پۆشِتنت. آ چۆ سْرُپا جُهلێن آپان اێر بُکّتنت.

دَرگوَز 2:24

هُدایا آیانی نالَگ اِشکتنت و وتی هما اَهد و پئیمانئے ترانَگا کپت که گۆن اِبراهێم و اِساک و آکوبا بَستگ‌اَتی.

اِلهام 16:19

مزنێن شهر، بابِل سئے ٹکُّرا بهر بوت و کئومانی شهر کپتنت و هُدایا مزنێن شهر، بابِل یات اَت و وتی گَزب و هِژمئے شرابئے پیالهی آییارا دات.

اِلهام 18:5

چێا که اِشیئے گناه سر په سر اَنت و آسمانا رَستگ‌اَنت و هُدایا آییئے رَدێن کار یات کرتگ‌اَنت.