پێدایش 7:4 - هُدائے پاکێن کتاب، بلۆچی زبانا

⁴ هپت رۆچا رند، اَنچێن هئورے گوارێنان که تان چِلّ رۆچ و چِلّ شپا گواریت و من وتی جۆڑ کرتگێن سجّهێن سَهداران چه زمینا گار و گُمسارَ کنان.“

پێدایش 7:4 Кръстосани препратки

پێدایش 2:5

زمینئے سرا هچّ درچک و دار نرُستگ‌اَت و ڈگاران سبزگ نێست‌اَت. چێا که تان آ وهدا هُداوندێن هُدایا زمینئے سرا هئور نَگوارێنتگ‌اَت و اَنگت اِنسانے نێست‌اَت که زمینا کِشت و کِشارے بکنت.

پێدایش 6:13

گُڑا هُدایا گۆن نوها گوَشت: ”من سجّهێن مردُمان تباهَ کنان، چێا که همِشانی سئوَبا زمین چه شِدّتا پُرّ اِنت. من، اِشانی جندا گۆن زمینا هۆر، گار و گمسارَ کنان.

پێدایش 6:17

من دنیایا اَنچێن هار و توپّانے کاران که آسمانئے چێرئے سجّهێن سَهدارَ مِرنت، هر سَهدار که دمَ کَشّیت، بێرانَ بیت. هرچے که زمینئے سرا هست، سجّهێنَ مِرنت.

پێدایش 6:3

نون هُداوندا گوَشت: ”منی اَرواه تان اَبد اِنسانئے جسم و جانا نمانیت، چێا که اِنسان مِرۆکێن چیزّے و چه یکّ سد و بیست سالا گێشتر اُمرَ نکنت.“

پێدایش 6:7

گوَشتی: ”وتی جۆڑ کرتگێن اِنسانا چه زمینئے سرا گار و گُمسارَ کنان. مردمان، چارپادێن هئیوانان، لاپکَشّێن جانوَران و آسمانئے بالی مُرگان یکجاه گُمسارَ کنان، چێا که من چه اِشانی جۆڑ کنگا پَدَرد آن.“

پێدایش 7:10

هپت رۆچا رند زمینئے سرا هار و توپّانے آتک.

پێدایش 7:12

چِلّ رۆچ و چِلّ شپا زمینئے سرا هئوران گوَرت.

پێدایش 7:17

تان چِلّ رۆچا زمین هارا مَلِّت و آپ گێش بئیان بوت و بۆجیگی چه زمینا بُرز چِست کرت.

پێدایش 7:3

و چه آسمانی مُرگان هَپت جُتک، نرێن و مادگێن، که سَرجمێن زمینئے سرا آیانی نَسلا زندگ بدارئے.

پێدایش 8:10

نوها دگه هپت رۆچ ودار کرت و پدا کپۆتی چه بۆجیگا راه دات.

پێدایش 8:12

نوها دگه هپت رۆچ ودار کرت و پدا کپۆتی راه دات. اے بری کپۆت آییئے کِرّا پِر نَترِّت.

پێدایش 8:2

جُهلانکیانی چَمّگ و آسمانئے دریگ بند بوتگ‌اَتنت و چه آسمانا هئورانی گوارگ هم بند بوتگ‌اَت.

زَبور 69:28

چه زندگێنانی دپترا گار باتنت، گۆن پهرێزکاران یکجاه نبیسگ مباتنت.

اِلهام 3:5

هرکَس که سۆبێنَ بیت، همِشانی ڈئولا اسپێت‌پۆشَ بیت. من آییئے ناما هچبر چه ”زِندئے کتابا“ گارَ نکنان و وتی پت و پتئے پرێشتگانی دێما آییا منّان.