پێدایش 50:25 - هُدائے پاکێن کتاب، بلۆچی زبانا

²⁵ ایسُّپا گۆن اِسراییلئے چُکّان گوَشت: ”سئوگِند بوَرێت که وهدے هُدا شمئے مَدتا کئیت، منی هڈّان چه اے جاگها برێت گۆن.“

پێدایش 50:25 Кръстосани препратки

پێدایش 50:5

که منی پتا منا سئوگند داتگ و گوَشتگ: ’من مِرَگی آن. منا هما کبرا کَلّ کن که من په وت کَنهانئے مُلکا کۆتکگ.‘ نون منا رَزا دئے که رئوان و وتی پتا کبرَ کنان و کایان.“

دَرگوَز 13:18

هُدایا مهلوک چه گیابانئے راها گَردێنان کرت و دێم په سُهرزِرا برت. اِسراییلی که چه مِسرا در آتکنت، سِلهبَند اَتنت.

دَرگوَز 13:19

موسّایا ایسُّپئے هڈّ گۆن وت زرتنت گۆن، چێا که ایسُّپا بنی اِسراییل سئوگند داتگ و گوَشتگ‌اَت: ”بێشَکّ هُداوند شمئے مَدَتا کئیت. آ وهدا منی هَڈّان اَلّم چه اِدا گۆن وت ببرێت گۆن.“

دَرگوَز 3:17

من کئولَ کنان که شمارا چه اے بزّگیا درَ کنان که مِسرا شمئے سرا آتکگ و شمارا کَنهانی و اَموری و پِریزّی و هێوی و یَبوسیانی مُلکا بَران، هما مُلکا که شیر و بێنگئے جۆ تچگا اَنت.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

کاسِدانی کار 7:16

آیانی جۆن چه اۆدا آرگ و شِکێمئے شهرا، هما کبرا کَلّ کنگ بوتنت که اِبراهێما چه هامۆرئے چُکّان په چیزّے زرّا بها گپتگ‌اَت.