پێدایش 49:29 - هُدائے پاکێن کتاب، بلۆچی زبانا

²⁹ نون آکوبا وتی چُکّ چۆ سۆج داتنت: ”من گۆن وتی مُرتگێن مردمان هئوار بئیگی آن. منا منی پت و پیرُکانی کرّا، هما گارا کبر کنێت که اِپرون هیتّیئے ڈگارا اِنت،

پێدایش 49:29 Кръстосани препратки

پێدایش 15:15

بله تئو وت په اێمنی وتی بُنپیرُکانی کِرّا رئوئے و شَرّێن مزنێن اُمرێا رند کَبر کنگَ بئے.

پێدایش 23:16

اِبراهێما اِپرونئے هبر زُرت و هما کیمّتی تۆر کرت که اِپرونا گوشتگ‌اَت و هیتّیان اِشکتگ‌اَت، بزان نُگرهئے چار سد شِکِل، سئوداگرانی گیشّتگێن سَنگ و تۆرئے هسابا.

پێدایش 23:17

گڑا اِپرونئے ڈگار که مَکپێلَها، مَمرِهئے نزّیکّا اَت، سجّهێن هیتّیانی دێما که شهرئے دروازگا آتکگ‌اَتنت، آ ڈگار و ڈگارئے تهئے گار و سجّهێن درچک، اِبراهێمئے مِلکَت بوتنت.

پێدایش 23:20

هیتّیان اے ڈگار گۆن گارا اِبراهێمارا دات که کبرِستانے بکنتی.

پێدایش 23:9

که وتی گارا منی کِرّا بها بکنت، هما گار که مَکپێلَها آییئے ڈگارئے گُڈّی بهرا اِنت. جاگهئے پورهێن کیمّتا چه من بگیپت که منا شمئے مُلکا کبرستانے ببیت.“

پێدایش 35:27

آکوب وتی پت اِساکئے کرّا مَمرِها، کِریَه‌اَربهئے شهرا بزان هِبرونا آتک، همۆدا که اِبراهێم و اِساکا دَرامدانی پئیما زِند گوازێنتگ‌اَت.

پێدایش 35:29

وتی گُڈّی دَمی کَشّت و گۆن وتی مُرتگێن مهلوکا هئوار بوت. اِساکا شَرّێن مزنێن اُمرے کرت و پیر بوت و مُرت. آییئے مردێن‌چُکّان، بزان ایسّو و آکوبا آ زُرت و کبر کرت.

پێدایش 47:30

وهدے من سر اێر کرت و وتی پت و پیرُکانی کرّا شتان، منا چه مِسرا بر و همایانی کِرّا کبر کن.“ ایسُّپا گوَشت: ”شَرّ اِنت. اَنچُشَ کنان.“

پێدایش 49:28

اے اِسراییلئے دوازدهێن کَبیله اَتنت و اے هما هبر اَتنت که آیانی پتا برکت دئیگئے وهدا گۆن آیان کرتنت. هر یکّێارا هماییئے هسابا برکتی دات.

پێدایش 49:33

وهدے آکوبا وتی چُکّانی سۆج دئیگ هلاس کرت، نپادئے سرا وتی پادی تچک کرتنت، گُڈّی دَمی کشّت و گۆن وتی مُرتگێن مردمان هئوار بوت.

پێدایش 50:12

گڑا آکوبئے چُکّان هما پئیم کرت که پتا هُکم داتگ‌اَتنت.

پێدایش 50:13

آکوبِش کَنهانئے مُلکا برت و هما گارا کبر کرت که مَکپێلَهئے ڈگارا، مَمرِهئے نزّیکّا اَت. اِبراهێما آ گار گۆن ڈگارا چه اِپرون هیتّیا بها زرتگ‌اَت که کبرستانے بکنتی.