پێدایش 48:14 - هُدائے پاکێن کتاب، بلۆچی زبانا

¹⁴ بله اِسراییلا وتی راستێن دست چَپّێن نێمگا شهار دات و چَپّێن دست راستێن نێمگا. راستێن دستی اِپراێمئے سرا اێر کرت، بِلّ تُرے کَستر اَت. چپّێن دستی مَنَسیئے سرا اێر کرت، بِلّ تُرے ائولی چُکّ اَت.

پێدایش 48:14 Кръстосани препратки

پێدایش 41:51

ایسُّپا وتی ائولی چُکّئے نام مَنَسی کرت، گوَشتی: ”هُدایا منا چه سجّهێن سکّی و سۆریان و چه پتئے لۆگئے سجّهێن تْرانگان آزات کرتگ.“

پێدایش 41:52

دومی چُکّئے نامی اِپراێم کرت، گوَشتی: ”منی سکّی و سۆریانی مُلکا، هُدایا منا پُرسَمر کرتگ.“

پێدایش 46:20

ایسُّپئے چُکّ مَنَسی و اِپراێم مِسرئے مُلکا چه اَسِناتا پێدا بوتنت. اَسِنات پوتیپێرائے جنکّ اَت و پوتیپێرا اونئے شهرئے دینی پێشوا اَت.

پێدایش 48:13

ایسُّپا دوێن چُکّ زرتنت، اِپراێمی وتی راستێن نێمگا و اِسراییلئے چپّێن نێمگا کرت. مَنَسی‌ای وتی چپّێن نێمگا و اِسراییلئے راستێن نێمگا کرت. وتی پتئے نزّیکّا برتنتی.

پێدایش 48:17

وهدے ایسُّپا دیست که منی پتئے راستێن دست اِپراێمئے سرا اِنت، وشّی نبوت. پتئے دستی گپت که چه اِپراێمئے سرا دوری بکنت و مَنَسیئے سرا اێری بکنت.

پێدایش 48:18

گۆن پتا گوَشتی: ”منی پت! چۆ مکن. منی ائولی چُکّ اِش اِنت. وتی راستێن دستا اِشیئے سرا اێر کن.“

زَبور 110:1

اے هُداوندئے پئیگام اِنت په منی هُداوندا: ”منی راستێن نێمگا بنند تان هما وهدا که تئیی دژمنان تئیی پادانی چێرئے پَدَگ و چارچۆبهے بکنان.“

زَبور 118:16

هُداوندئے راستێن دست چست بوتگ، هُداوندئے راستێن دستا مزنێن کارے کرتگ.“

دَرگوَز 15:6

او هُداوند! تئیی راستێن دست اَجَب زۆرمند اَت. او هُداوند! تئیی راستێن دستا دُژمن شِنگێنت.

مَتّا 16:18

ترا گوَشان: تئو پِتْرُس ائے و اے تَلارئے سرا من وتی کِلیسائے بُنیاتا اێرَ کنان که مَرکئے زۆر آییا هچبر پرۆشَ ندنت و آییئے سرا سۆبێنَ نبیت.

مَتّا 19:13

آ وهدا کَسانێن چُکِّش ایسّائے کِرّا آورتنت که وتی دستا آیانی سرا پِر بمُشیت و دْوا بکنت، بله مریدان نِهرّ و هَکّل داتنت.

مَتّا 19:15

نون ایسّایا آیانی سرا دست پِر مُشت. گڑا وتی راهی گپت و شت.

مَتّا 6:5

وهدے دْوا کنێت، گڑا دورو و دوپۆستێن مردمانی ڈئولا مکنێت، چێا که آیان کَنیسَهانی تها و چارراهانی سرا اۆشتگ و دْوا کنگ دۆستَ بیت، تانکه مردم آیان بگندنت. شمارا راستێنَ گوَشان، مُزّے که آیان رَسگی اَت، رَستِش.

لوکا 13:13

ایسّایا وتی دست آییئے سرا اێر کرت و هما دمانا آ کُمپێن جنێنئے سْرێن تچک بوت و هُدائے سِپَت و سَنایا لگِّت.

لوکا 4:40

رۆنِندا، مردمان هر ڈئولێن نادْراه ایسّائے کِرّا آورتنت و آییا نادْراهانی سرا دست پِر مُشت و دْراه کرتنت.

کاسِدانی کار 13:3

چه رۆچگ و دْوایا رَند، آ دوێنِش دست بڈّا جت و راه داتنت.

کاسِدانی کار 6:6

اے مردمِش کاسِدانی دێما آورت و پێش کرتنت. کاسِدان په آیان دْوا کرت و دست بڈّا جتنت.

په تیموتاووسا پولُسئے ائولی کاگد 4:14

چه وتی هما روهانیێن نیامتا نادلگۆش مبئے که ترا هما وهدا رَست که کماشانی رُمبا تئیی سرا دست اێر مُشت و یکّێا ترا گۆن پاکێن روهئے اِلهاما اے نیامتئے هال دات.

په تیموتاووسا پولُسئے ائولی کاگد 5:22

کَسیئے سرا دستئے اێر مُشگ و آییا کلیسائے کَماش کنگا اِشتاپ مکن که دگرانی گناهان شریکدارَ بئے. وتا پاک و پَلگار بدار.