پێدایش 47:19 - هُدائے پاکێن کتاب، بلۆچی زبانا

¹⁹ ما گۆن وتی ڈگاران تئیی چمّانی دێما گار و گُمسار ببێن؟ مئے جند و مئے ڈگاران وراکئے بدلا بزور. ما گۆن ڈگاران پِرئونئے گُلامَ بێن. مارا دان بدئے که زندگ بمانێن و ممِرێن و مئے ڈگار هم وئیران مبنت.“

پێدایش 47:19 Кръстосани препратки

پێدایش 41:36

اے وَرد و وراک په مُلکا اَمبار کنگ ببنت و هما هپتێن سالان که مِسرا ڈُکّالَ کپیت، کارمرز کنگ ببنت که مُلک چه ڈُکّالا تباه مبیت.“

پێدایش 47:15

وهدے مِسر و کَنهانئے دراهێن نُگره هلاس بوتنت، مِسرئے سجّهێن مردم ایسُّپئے کرّا آتکنت و گوَشتِش: ”مئے نُگره هلاس اَنت. مارا وراک بدئے. ما تئیی چمّانی دێما بمرێن؟“

پێدایش 47:18

سال که گوَست، مردم دومی سالا پدا ایسُّپئے کرّا آتکنت و گوَشتِش: ”ما اے گپّا چه وتی واجها چێر داتَ نکنێن که مئے نُگره هم هلاس اَنت و مئے مال و دَلوَت هم مئے واجهئے بوتنت. نون مئے کرّا مئے جسم و جان و ڈگاران اَبێد دگه هچّ پَشت نکپتگ که تئوِ واجهئے هِزمتا پێش بکنێن.

پێدایش 47:20

گڑا ایسُّپا سجّهێن مِسرئے ڈگار په پِرئونا بها زرتنت. مِسرئے سجّهێن مردمان وتی ڈگار بها کرتنت، چێا که سکّێن گرانێن ڈُکّالێا گپتگ‌اَتنت. پِرئون آیانی ڈگارانی واهند بوت.

مَتّا 16:26

اگن کَسێا سجّهێن دنیا برسیت، بله وتی ساها بباهێنیت، گڑا آ چۆنێن سۆبے بارت و چے کَٹِّتَ کنت؟ مردم وتی ساها په چِه کیمّتے بها زُرتَ کنت؟