پێدایش 46:4 - هُدائے پاکێن کتاب، بلۆچی زبانا

⁴ من وت گۆن تئو مِسرا کایان و اَلّم ترا پدا کاران. و ایسُّپئے جند ترا دست و چَمَّ کنت.“

پێدایش 46:4 Кръстосани препратки

پێدایش 28:15

بچار، من گۆن تئو گۆن آن و هر کجا که رئوئے تئیی چار و گُزارا کنان و ترا پدا همے سرڈگارا کاران. تانکه من گۆن تئو وتی کئول پوره نکرتگ، ترا یلهَ ندئیان.“

پێدایش 48:21

اِسراییلا گۆن ایسُّپا گوَشت: ”من همے زوتّانَ مِران، بله هُدا گۆن شما گۆنَ بیت و شمارا شمئے پت و پیرُکانی مُلکا پرَ تَرّێنیت.

پێدایش 50:1

ایسُّپا وتارا پتئے سرا دئور دات، گرێتی و پتی چُکّت.

پێدایش 50:13

آکوبِش کَنهانئے مُلکا برت و هما گارا کبر کرت که مَکپێلَهئے ڈگارا، مَمرِهئے نزّیکّا اَت. اِبراهێما آ گار گۆن ڈگارا چه اِپرون هیتّیا بها زرتگ‌اَت که کبرستانے بکنتی.

پێدایش 50:5

که منی پتا منا سئوگند داتگ و گوَشتگ: ’من مِرَگی آن. منا هما کبرا کَلّ کن که من په وت کَنهانئے مُلکا کۆتکگ.‘ نون منا رَزا دئے که رئوان و وتی پتا کبرَ کنان و کایان.“

دَرگوَز 3:17

من کئولَ کنان که شمارا چه اے بزّگیا درَ کنان که مِسرا شمئے سرا آتکگ و شمارا کَنهانی و اَموری و پِریزّی و هێوی و یَبوسیانی مُلکا بَران، هما مُلکا که شیر و بێنگئے جۆ تچگا اَنت.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.