پێدایش 46:34 - هُدائے پاکێن کتاب، بلۆچی زبانا

³⁴ شما بگوَشێت که ’تئیی کَستر چه کَسانیا شپانک و مالدار بوتگ‌اَنت، وتی پت و پیرُکانی پئیما.‘ گڑا شمارا اے اجازتَ رسیت که گۆشِنئے دَمگا جَهمنند ببێت که مِسریانی نِزّا سجّهێن شِپانک بَژّناکێن مردم اَنت.“

پێدایش 46:34 Кръстосани препратки

پێدایش 13:7

اِبرام و لوتئے شپانک اَڑِتنت. آ زمانگا کَنهانی و پِریزّی هم اے سرڈگارا جَهمنند اَتنت.

پێدایش 13:8

گڑا اِبراما گۆن لوتا گوَشت: ”ما برات اێن. منی و تئیی نیاما، یا منی و تئیی شپانکانی نیاما اَڑ و کُڑے مبیت.

پێدایش 26:20

بله گِرارئے شپانک گۆن اِساکئے شپانکان اَڑِتنت و گوَشتِش: ”اے آپ مئیگ اِنت.“ گڑا اِساکا اے چاتئے نام اِسِک کرت، چێا که گِرارئے مردم گۆن آییا اَڑِتگ‌اَتنت.

پێدایش 30:35

آ رۆچی لابانا سجّهێن ٹِکّ و ٹَگارێن پاچِن، سَرجمێن ٹِکّ ٹِکّێن بُز که اِسپێتێن نِشانِش پِر اَت و سجّهێن سیاهێن گوَرانڈ جتا کرت و وتی مردێن‌چُکّانی دستا دات و

پێدایش 34:5

آکوب سهیگ بوت که شِکێما منی جنکّ دینَه زِنا کرتگ، بله تان وتی چُکّانی آیگا هچّی نگوَشت، چێا که چُکّ گیابانا، رمگان چارێنگا اَتنت.

پێدایش 37:12

ایسُّپئے براتان پتئے رمگ په چارێنگا شِکێمئے نزّیکّا برتگ‌اَت.

پێدایش 37:2

آکوبئے نَسل و پَدرێچئے کِسّه چُش اِنت: ایسُّپ هَبده سالی وَرناے اَت و وتی براتانی همراهیا رَمَگیَ چارێنت، وتی ماتۆ بِلَّه و زِلپَهئے مردێن‌چُکّانی همراهیا. ایسُّپا وتی براتانی رَدێن کارانی بارئوا پت هالَ دات.

پێدایش 43:32

په ایسُّپا جتا پَرزۆنَگے پَچِش کرت و په آییئے براتان جتا. هما مِسری که اۆدا ورگا اَتنت، آیانی پَرزۆنَگ هم جِتا اَت، چێا که مِسریان گۆن اِبرانیان هۆر ورگَ نئوارت. آیانی نِزّا اے سکّێن بَژّناکێن کارے اَت.

پێدایش 45:10

گۆن وتی چُکّ و نماسگ و رمگ و گۆرُم و وتی سجّهێن مال و هستیا، گۆشِنئے دَمگا جَهمنند بئے که گۆن من نزّیکّ ببئے.

پێدایش 45:18

وتی پتا بزورێت و لَڈّ و لۆگ منی کرّا بیاێت. من مِسرئے شَرترێن زمینا شمارا دئیان و شما زمینئے شَرتِرێن بَر و سَمرانَ ورێت.‘

پێدایش 46:32

شپانک و مالدار اَنت. وتی رمگ و گۆرُم و سجّهێن مال و هستی‌اِش آورتگ گۆن.

پێدایش 47:11

هما پئیما که پِرئونا هُکم داتگ‌اَت، ایسُّپا وتی پت و برات مِسرا نادێنتنت و مِسرئے شَرترێن جاگها بزان رَمِسێسئے دَمگا مِلکتی داتنت.

پێدایش 47:3

پِرئونا چه آییئے براتان جُست کرت: ”شمئے کار و رۆزگار چے اِنت؟“ آیان پَسّئو دات: ”تئیی کَستر شپانک اَنت، وتی پت و پیرُکانی پئیما.“

پێدایش 47:4

آیان گۆن پِرئونا چُش هم گوَشت: ”ما آتکگێن که چیزّے وهدا همِدا بنندێن، چێا که کَنهانا سکّێن مزنێن ڈُکّالے کپتگ و په تئیی کَسترانی رمگان کهچر و چراگاه نێست. مئے دَزبندی اِنت، وتی کَستران رزا بدئے که گۆشِنا جَهمنند ببنت.“

پێدایش 47:6

مِسرئے سرڈگار تئیی دێما اِنت. وتی پت و براتان مُلکئے شَرترێن جاگها نادێن. بِلّی گۆشِنئے دَمگا نِندنت. اگن آیانی تها بودی و زرِنگێن مردمَ گِندئے، منی مال و دَلوَتان همایانی دستا بدئے.“

دَرگوَز 8:22

بله آ رۆچا من گۆشِنئے دَمگا که اۆدا منی مهلوک نِشتگ، اے کَهرا نئیاران. اۆدا مَکِسک‌گرَندَ نبیت. اے پئیما تئو زانئے که اے مُلکا هُداوند من آن.

دَرگوَز 8:26

بله موسّایا گوَشت: ”ما چۆ کرتَ نکنێن. چێا که ما په وتی هُداوندێن هُدایا اَنچێن کُربانیگَ کنێن که په مِسریان بَژّناک اَنت. اگن ما مِسریانی چمّانی دێما اَنچێن کُربانیگ بکنێن که په آیان بَژّناک اَنت، مارا سِنگسارَ نکننت؟