پێدایش 46:1 - هُدائے پاکێن کتاب، بلۆچی زبانا

¹ اِسراییل گۆن وتی سجّهێن مال و هستیا راه گپت. وهدے بێرشێبَها آتک و رست، په وتی پت اِساکئے هُدایا کُربانیگی نَدر کرتنت.

پێدایش 46:1 Кръстосани препратки

پێدایش 12:8

چه اۆدا آ، دێم په کۆهستگا، بئیت‌اێلئے رۆدراتکی نێمگا شت و وتی گِدانی اَنچێن جاگهے مِکّ کرت که بئیت‌اێلئے شهر آییئے رۆنِندی نێمگا و اَیائے شهر، رۆدراتکی نێمگا اَت. اۆدا په هُداوندا کُربانجاهے اَڈّی کرت و هُداوندئے نامی تئوار کرت.

پێدایش 21:14

دومی سُهبا ماهلّه اِبراهێما تۆشگ و مَشکے آپ زُرت و هاجِرارا دات. مَشک و تۆشگی هاجِرئے کۆپگا داتنت و گۆن چُکّا دری کرت. هاجِر شت و بێرشێبَهئے گیابانا سَرگَردان بوت.

پێدایش 21:31

گڑا آ جاگهئے نام بێرشێبَه کنگ بوت، چێا که دوێن مردان اۆدا سئوگندے وارت.

پێدایش 21:33

اِبراهێما بێرشێبَها گزّئے درچکے کِشت و اۆدا هُداوند، اَبدمانێن هُدائے نامی تئوار کرت.

پێدایش 22:13

اِبراهێما چمّ چست کرتنت و پُشتا چارِت، دیستی ته گوَرانڈے که کانٹی ڈَنگَران مان گیشّتگ‌اَنت. اِبراهێم شت، گوَرانڈی زُرت و وتی چُکّئے جاگها سۆچَگی کُربانیگ کرت.

پێدایش 28:10

آکوب چه بێرشێبَها در آتک و دێم په هارانا شت.

پێدایش 28:13

هُداوند چه پَدانکا بُرزتر اۆشتاتگ‌اَت. گوَشتی: ”من هُداوند آن، تئیی پت اِبراهێمئے هُدا و اِساکئے هُدا. اے زمینئے سرا که تئو انّون وپتگئے، من اِشیا ترا و تئیی نَسل و پَدرێچارا دئیان.

پێدایش 31:42

اگن منی پتئے هُدا، اِبراهێمئے هُدا و اِساکئے هُدا گۆن من گۆن مبوتێن، اَلّما تئو منا هۆرک و هالیگێن دستان راه داتگ‌اَت، بله هُدایا منی بزّگی و زَهمت دیستگ و دۆشی ترا نِهرّ و هکّلی داتگ.“

پێدایش 31:53

اِبراهێمئے هُدا، ناهۆرئے هُدا، آیانی پتئے هُدا منی و تئیی نیاما دادرَس بات.“ گڑا آکوبا وتی پت اِساکئے هُدائے ناما سئوگند وارت.

پێدایش 33:20

اۆدا کُربانجاهے اَڈّی کرت و آییئے نامی اێل‌اێلوهی‌اِسراییل کرت.

پێدایش 35:3

بیاێت بئیت‌اێلا رئوێن. اۆدا من په هما هُدایا کُربانجاهے اَڈَّ کنان که سکّی و سۆریانی رۆچان منی دْوایی گۆش داشتگ و هر جاه که شتگان، گۆن من گۆن بوتگ.“

پێدایش 35:7

آکوبا همۆدا کُربانجاهے اَڈّ کرت و آ جاگهئے نامی اێل‌بئیت‌اێل کرت، چێا که وهدے آ چه وتی براتا تچگا اَت، هُدایا همِدا آییئے دێما وتا زاهر کرت.

پێدایش 4:4

هابیلا هم چه وتی رَمگئے پَسانی ائولی چُکّان لهتێن کُشت و آیانی پیگی گۆشت زُرت و په هُدایا ٹێکی آورت. هُداوندا هابیل و آییئے ٹێکی پسُند بوتنت،

پێدایش 45:28

اِسراییلا گوَشت: ”بَسّ، نون منا باور اِنت. منی چُکّ ایسُّپ اَنگت زندگ اِنت. چه اِد و پێسر که بمران، رئوان که ایسُّپا بگندان.“

پێدایش 8:20

نون نوها په هُداوندا کُربانجاهے اَڈّ کرت و چه هِلارێن هئیوان و هِلارێن بالی مُرگان لهتێنی زُرت و کُربانجاها سۆچَگی کُربانیگی کرتنت.

کاسِدانی کار 7:15

اے ڈئولا، آکوب مِسرا شت و همۆدا آ و مئے پت و پیرُک بێران بوتنت.