پێدایش 45:6 - هُدائے پاکێن کتاب، بلۆچی زبانا

⁶ دو سال اِنت که مُلکا ڈُکّال اِنت. آیۆکێن پنچ سالا هم هچّ ڈگارے نه ننگار کنگ و کِشَگَ بیت و نه رُنَگ و مُشَگ،

پێدایش 45:6 Кръстосани препратки

پێدایش 37:2

آکوبئے نَسل و پَدرێچئے کِسّه چُش اِنت: ایسُّپ هَبده سالی وَرناے اَت و وتی براتانی همراهیا رَمَگیَ چارێنت، وتی ماتۆ بِلَّه و زِلپَهئے مردێن‌چُکّانی همراهیا. ایسُّپا وتی براتانی رَدێن کارانی بارئوا پت هالَ دات.

پێدایش 41:35

اے کارمستر سرسبزیئے آیۆکێن سالان وَرد و وراک مُچّ بکننت و پِرئونئے چێردستیا، شهران په ورگا دان اَمبار بکننت.

پێدایش 41:46

وهدے ایسُّپا مِسرئے بادشاه پِرئونئے هِزمت بندات کرت، اُمری سی سال اَت. ایسُّپ چه پِرئونئے دربارا پاد آتک و سجّهێن مِسرا گَشت.

پێدایش 41:53

گڑا هما پئیما که ایسُّپا گوَشتگ‌اَت، مِسرئے مُلکئے سَرسبزیئے هپتێن سال هلاس بوتنت و ڈُکّالئے هپتێن سال بُنگێج بوتنت. آ دگه سجّهێن مُلکان ڈُکّال بوت، بله سَرجمێن مِسرا وراک هست‌اَت.

پێدایش 41:56

سَرجمێن مُلک که ڈُکّالا گپت، ایسُّپا امبارانی دپ پچ کرت و مِسریانی کِرّا دانی بها کرت که سجّهێن مِسرا مزنێن ڈُکّالے کپتگ‌اَت.

پێدایش 47:18

سال که گوَست، مردم دومی سالا پدا ایسُّپئے کرّا آتکنت و گوَشتِش: ”ما اے گپّا چه وتی واجها چێر داتَ نکنێن که مئے نُگره هم هلاس اَنت و مئے مال و دَلوَت هم مئے واجهئے بوتنت. نون مئے کرّا مئے جسم و جان و ڈگاران اَبێد دگه هچّ پَشت نکپتگ که تئوِ واجهئے هِزمتا پێش بکنێن.

پێدایش 47:23

ایسُّپا گۆن مردمان گوَشت: ”نون که من مرۆچی شمئے جند و شمئے ڈگار په پِرئونا بها زرتگ‌اَنت، تُهم اِش اَنت، زمینا بکِشێت.

دَرگوَز 34:21

شَش رۆچا کار بکن، بله هپتمی رۆچا آرام کن. ننگار کنگئے و رۆن و مۆشئے مۆسما هم همے پئیما بکن.