پێدایش 45:23 - هُدائے پاکێن کتاب، بلۆچی زبانا

²³ په وتی پتا اے چیزّی راه داتنت: دَه لاگ که چه مِسرئے شَرترێن چیزّان لَڈّگ بوتگ‌اَت و ده مادیان که په پتئے سپرا دان و وراک و تۆشگ لَڈّگ بوتگ‌اَت.

پێدایش 45:23 Кръстосани препратки

پێدایش 24:10

هِزمتکارا چه وتی واجهئے اُشتران ده اُشتر زُرت و رهادگ بوت. چه واجهئے نێمگا تَهر تَهرێن گچێنی ٹێکی آییا گۆن اَت. پاد آتک و دێم په اَرام‌نَهرئیما رئوان بوت. ناهۆرئے شهر همۆدا اَت.

پێدایش 43:11

گڑا آیانی پت اِسراییلا گوَشت: ”اگن اَلّمی اِنت، گڑا چُش کنێت که چه مُلکئے شَرتِرێن چیزّان لهتێن وتی پێلِکان کنێت و په آ مردا ٹێکی برێت گۆن. کمّے بام، کَمّے بێنگ، سُسُرّ و پِسته و بادام و وَشبۆ برێت گۆن.

پێدایش 45:22

آییا هر یکّێارا جۆڑیے گُد دات، بله بِنیامینا سئے سد نُگره و پنچ جۆڑی گُدی دات.

پێدایش 45:24

پدا وتی براتی رهادگ کرتنت. برات که در کپگا اَتنت، گۆن آیان گوَشتی: ”راها اَڑ و کُڑ مکنێت.“

دَرگوَز 16:3

اِسراییلیان گوَشت: ”دْرێگتا ما مِسرا هُداوندئے دستا بمُرتێنێن. اۆدا وَه ما گۆشتئے دێگانی کِرّا نِشتگ‌اَتێن و دِلئے سێرا نانَ وارت. بله شما مارا اے گیابانا آورت که اے سجّهێن مهلوکا چه شُدا بکُشێت.“