پێدایش 45:11 - هُدائے پاکێن کتاب، بلۆچی زبانا

¹¹ من تئیی هر چیزّئے زِمّه زرتگ که اے ڈُکّال تان پنچ سالا اَنگتَ مانیت. چۆ مبیت که تئو وار و بزّگ ببئے، تئیی جند و تئیی هاندان و تئیی سجّهێن مردم جَنجال ببنت.“

پێدایش 45:11 Кръстосани препратки

پێدایش 45:12

شما وت گِندگا اێت و منی برات بِنیامین هم گِندگا اِنت که اے منی جند اِنت که گۆن شما هبرا اِنت.

پێدایش 47:12

ایسُّپا وتی پت و برات و پتئے لۆگئے سجّهێن مردم لاپ داتنت، و همینچُک چُکِّش که هست‌اَت، همینچُکی داتنت.

پێدایش 47:6

مِسرئے سرڈگار تئیی دێما اِنت. وتی پت و براتان مُلکئے شَرترێن جاگها نادێن. بِلّی گۆشِنئے دَمگا نِندنت. اگن آیانی تها بودی و زرِنگێن مردمَ گِندئے، منی مال و دَلوَتان همایانی دستا بدئے.“

پێدایش 50:21

گڑا متُرسێت. من شمئے و شمئے چُکّانی زلورتان پورهَ کنان.“ براتی دلجَمی داتنت و گۆن آیان په شَرّی هبری کرت.

په تیموتاووسا پولُسئے ائولی کاگد 5:4

بله اگن جنۆزامێا چُکّ یا نُماسگ هست، گڑا چُکّ و نماسگ وتی هُداتُرسیا ائولا وتی لۆگئے تها پێش بدارنت و وتی لۆگئے هئیالا بدارنت و اے پئیما وتی مسترێنانی هَکّا اَدا بکننت. چێا که اے کار هُدایا دۆستَ بیت.