پێدایش 44:8 - هُدائے پاکێن کتاب، بلۆچی زبانا

⁸ ما وَه هما نُگره که وتی گۆنیانی دپا دیستنت، آاِن هم چه کَنهانئے مُلکا پدا آورتنت. ما چۆن چه تئیی واجهئے لۆگا نُگره و تلاهَ دُزّێن؟

پێدایش 44:8 Кръстосани препратки

پێدایش 42:21

گۆن یکدگرا گوَشتِش: ”اَسلا مارا براتئے هَکّان گِپتگ. ما دیست که آ چینچُک پرێشان اَت، په وتی جانئے رَکّێنگا مئے کرّا دَزبندی و پریاتی کرت، بله ما آییئے هبر گۆش نداشتنت، پمێشکا اے مُسیبت مئے سرا کپتگ.“

پێدایش 42:27

راها شپا گِپتنت و یکّ جاگهێا منزلِش کرت. وهدے چه آیان یکّێا وتی گۆنیئے دپ پچ کرت که په وتی هرا کاه و کدیمے بکشّیت، دیستی که منی نُگره گۆنیئے دپ دپا اێر اَنت.

پێدایش 42:35

وهدے آ وتی گۆنیان هالیگ کنگا اَتنت، هر یکّێئے گۆنیا آییئے نُگرهانی تورگ مان اَت. وهدے آیان و آیانی پتا نُگرهئے تورگ دیستنت، تُرستِش.

پێدایش 43:12

دو سَری نُگره بَرێت گۆن که شمارا هما نُگره پدا دئیگی اَنت که شمئے گۆنیانی دپ دپا اێر کنگ بوتگ‌اَتنت. بلکێن په رَدی چۆ بوتگ.

پێدایش 43:18

وهدے مردم ایسُّپئے لۆگا آرگ بوتنت، تُرس و لَرز اَتنت. گوَشتِش: ”مارا هما نُگرهانی سئوَبا اِدا آورتَگِش که پێسری رندا مئے گۆنیان مان کنگ بوتگ‌اَتنت. نون اے مَرد مئے سرا اُرُش کنگ و مارا زێردست کنگَ لۆٹیت که مئے جندا گُلام بکنت و هران هم ببارت.“

پێدایش 44:7

بله آیان گوَشت: ”واجه! چێا چُشێن هبرَ کنئے؟ تئیی کَستر هچبر چُشێن کارے کرتَ نکننت.

دَرگوَز 20:15

دُزّی مکن.

مَتّا 19:18

جُستی کرت: ”کجام هُکمانی سرا؟“ ایسّایا گوَشت: ”هۆن مکن، زنا مکن، دُزّی مکن، درۆگێن شاهدی مدئے،

پولُسئے کاگد په رومیان 13:9

پرچا که ”زنا مکن“، ”هۆن مکن“، ”دُزّی مکن“، ”تَماه مکن“ و آ دگه هُکم گۆن همے هبرا گوَنڈ گِرگَ بنت: ”گۆن وتی همساهگا وتی جندئے پئیما مِهر بکن.“