پێدایش 43:8 - هُدائے پاکێن کتاب، بلۆچی زبانا

⁸ گڑا یَهودایا گۆن وتی پت اِسراییلا گوَشت: ”بچکّا گۆن من همراه کن. ما همے دمانا پادَ کاێن و رهادگَ بێن که ما و تئو و مئے چُکّ زندگ بمانێن و ممرێن.

پێدایش 43:8 Кръстосани препратки

پێدایش 42:2

من اِشکتگ که مِسرا دانَ رسیت. برئوێت و دان بگرێت که زندگ بمانێن، شُدا ممِرێن.“

پێدایش 42:38

بله آکوبا گوَشت: ”منی چُکّ گۆن شما نئیئیت گۆن. آییئے برات مُرتگ و بَسّ جندی پَشت کپتگ. اگن شمئے اے سپرا تاوانے برسیتی، من چه گَمانَ مِران و منی پیرێن سرئے هۆن شمئے گردنا بیت.“

پێدایش 44:20

ما پَسّئو دات: ’مارا پیرێن پتے هست و کَسترێن براتے که پتئے پیریئے رۆچان پێدا بوتگ. آ براتئے هَکّیگێن برات مُرتگ و چه وتی ماتا یکّێن چُکّ اِنت که منتگ و پت آییا سکّ دۆستَ داریت.‘

پێدایش 44:26

بله ما گوَشت: ’ما پدا شتَ نکنێن. هما شَرتا رئوێن که مئے کَسترێن برات گۆن ما گۆن ببیت. ما تان هما وهدا آ مردئے دێما کپتَ نکنێن که مئے کَسترێن برات گۆن مبیت.‘

پێدایش 45:19

په تئو هُکم اِش اِنت که وتی براتان بگوَش: ’چۆ کنێت که په وت چه مِسرا اَسپ‌گاڑی بزورێت گۆن، په وتی جَن و چُکّان. وتی پتا بزورێت و بیاێت.

پێدایش 50:21

گڑا متُرسێت. من شمئے و شمئے چُکّانی زلورتان پورهَ کنان.“ براتی دلجَمی داتنت و گۆن آیان په شَرّی هبری کرت.

پێدایش 50:8

ایسُّپئے لۆگئے سجّهێن مردم، آییئے پتئے لۆگئے مردم و آییئے برات هم گۆن اَتنت. اێوکا چُکّ و رمگ و گۆرُم گۆشِنا منتنت.

زَبور 118:17

منَ نمِران، زندگَ مانان و هُداوندئے کرتگێن کارانی جارا جنان.

دَرگوَز 20:12

وتی پت و ماتا اِزّت بدئے که هما مُلکا تئیی اُمر دْراج ببیت که تئیی هُداوندێن هُدا ترا دنتی.