پێدایش 43:14 - هُدائے پاکێن کتاب، بلۆچی زبانا

¹⁴ پُرواکێن هُدا آ مردا په شما رهمدل کنات که شمئے آ دگه براتا و بِنیامینا گۆن شما آیگا بِلّیت. بله اگن من چُکّ باهێنتنت وَه منی بَهت و نَسیب.“

پێدایش 43:14 Кръстосани препратки

پێدایش 17:1

اِبراما که نئوَد و نُه سال بوت، هُداوند آییئے دێما زاهر بوت و گوَشتی: ”من پُرواکێن هُدا آن، منی راها برئو و په بێمئیاری زند بگوازێن.

پێدایش 22:14

اِبراهێما آ جاگهئے نام کرت ”هُداوند چار و گُزارَ کنت“ و تان مرۆچیگا گوَشگَ بیت که: ”هُداوندئے کۆهئے سرا، چار و گُزار کنگَ بیت.“

پێدایش 28:3

پُرواکێن هُدا ترا بَرکت بدئیات و پُرسَمَر کنات. ترا گێشا گێش کنات و تئو کئومانی رُمبے باتئے.

پێدایش 35:11

هُدایا گۆن آکوبا گوَشت: ”من پُرواکێن هُدا آن. چُکّ و بَر کن و گێش بئیان بئے. چه تئو کئومے و کئومانی رُمبے پێدا بیت و بادشاه چه تئیی سْرێنا پێدا بنت.

پێدایش 39:21

بله هُداوند گۆن آییا گۆن اَت و وتی مِهری په ایسُّپا گوارێنت و بندیجاهئے مسترئے دلی په ایسُّپا نرم کرت.

پێدایش 42:24

ایسُّپا وتی دێم آنگُر کرت و گرێتی. پدا دێمی تَرّێنت و گۆن آیان هبری کرت. گڑا چه براتانی نیاما شَمونی گِپت و آیانی چمّانی دێما دَست و پادی بنداێتنت.

پێدایش 42:36

آیانی پت آکوبا گوَشت: ”شما منا بےائولاد کنگا اێت. ایسُّپ هم نێست‌اِنت و شَمون هم. نون شما بِنیامینا پچ گِرگَ لۆٹێت. اے سجّهێن کَهر منی سرا کپگا اَنت.“

پێدایش 43:13

وتی براتا هم برێت گۆن. تَچکا آ مردئے کرّا برئوێت.

پێدایش 44:12

پێشکار پٹّگا لگّت. چه مسترێنا بُنگێجی کرت و کَسترێنا هلاس. پیاله چه بِنیامینئے گۆنیا در کپت.

زَبور 100:5

که هُداوند نێک اِنت و مِهری اَبدمان، آییئے وپاداری نَسلانی نَسل برجاهَ مانیت.

زَبور 106:46

آیانی سجّهێن بندیگ کنۆکانی دلا په آیان رهمی پێدا کرت.

زَبور 119:41

تئیی مِهر منا سَر بات، او هُداوند، و هما نجات هم که تئو کئول کرتگ.

زَبور 85:7

او هُداوند! وتی مِهرا مارا پێش بدار و مارا هما رَکّێنگا ببَکش که چه تئیی نێمگا اِنت.

لوکا 1:50

آییئے مِهر و رهمت، هما سجّهێنانی پُشت در پُشتا مانیت که آییئے تُرسِش دلا هست‌اِنت.

یوهَنّا 19:22

پیلاتوسا گوَشت: ”آ چیزّ که من نبشته کرتگ، بدلَ نبیت.“

کاسِدانی کار 21:14

وهدے ما پولُس مَنّێنت نکرت، گڑا گوَشتێن: ”هرچے که هُداوندئے رَزا اِنت، هما ڈئولا ببیت“ و بێتئوار بوتێن.

کاسِدانی کار 7:10

چه سجّهێن سکّی و سۆریان رَکّێنتی. هُدایا آ، همینچُک لاهکی و زانت و زانگ دات که مِسرئے بادشاه، پِرئونئے مِهر و اِهتباری په وت کَٹّت و پِرئونا آ وتی سَرجمێن مُلک و مِلکتئے کارمَستر کرت.

په تیموتاووسا پولُسئے ائولی کاگد 1:16

بله منی سرا پمێشکا رهم کنگ بوت که ایسّا مَسیها لۆٹت گۆن من وتی بێکساسێن سَبر و اۆپارا زاهر بکنت، من که چه سجّهێنان گَنتر آن، و اے پئیما من په هما مردمان مسالے ببان که آییئے سرا ایمانَ کارنت و ابدمانێن زندێئے واهندَ بنت.

په تیموتاووسا پولُسئے ائولی کاگد 1:2

په تیموتاووسا، که ایمانئے هسابا منی هکّیگێن چُکّ اِنت. چه هُداێن پت و مئے هُداوندێن ایسّا مَسیهئے نێمگا ترا رهمت و رهم و اێمنی سر بات.

په تیتوسا پولُسئے کاگد 1:4

په تیتوسا که منی و آییئے ایمان یکّ اِنت و ایمانئے هسابا منی هکّیگێن چُکّ اِنت. ترا چه هداێن پت و مئے رکّێنۆکێن ایسّا مَسیهئے نێمگا رهمت و اێمنی سر بات.

یوهَنّائے دومی کاگد 1:3

هُدایی مِهر و رهمت و سُهل و آسودگی، چه پتێن هُدا و آییئے چُکّ ایسّا مَسیهئے نێمگا، په راستی و مِهر گۆن ما گۆنَ بیت.