پێدایش 43:11 - هُدائے پاکێن کتاب، بلۆچی زبانا

¹¹ گڑا آیانی پت اِسراییلا گوَشت: ”اگن اَلّمی اِنت، گڑا چُش کنێت که چه مُلکئے شَرتِرێن چیزّان لهتێن وتی پێلِکان کنێت و په آ مردا ٹێکی برێت گۆن. کمّے بام، کَمّے بێنگ، سُسُرّ و پِسته و بادام و وَشبۆ برێت گۆن.

پێدایش 43:11 Кръстосани препратки

پێدایش 33:10

آکوبا گوَشت: ”اِنّه، چه تئو دَزبندیَ کنان، اگن منی اِزّتا کنئے، منی سئوگاتان بزور که تئیی دیدار چۆ هُدائے دیدارا اِنت و تئو منا په مِهربانی کبول کرتگ.

پێدایش 37:25

برات نانئے ورگا نِشتنت. چَمِّش که چست کرتنت، دیستِش اِسماێلیانی کاروانے چه گِلیادا پێداک اِنت. آیان وتی اُشتران سُسُرّ و بام و وَشبۆ لَڈّتگ‌اَت و مِسرا برگا اَتنت.

پێدایش 43:10

اگن ما اینچُک مهتل مبوتێنێن، تان اے وهدی دو رندا شتگ و آتکگ‌اَتێن.“

پێدایش 43:14

پُرواکێن هُدا آ مردا په شما رهمدل کنات که شمئے آ دگه براتا و بِنیامینا گۆن شما آیگا بِلّیت. بله اگن من چُکّ باهێنتنت وَه منی بَهت و نَسیب.“

پێدایش 43:15

گڑا مَردان ٹێکی و دو سَری نُگره و بِنیامین زرت و راه گِپتنت. مِسرا که رَستنت، ایسُّپئے دربارا آتک و اۆشتاتنت.

پێدایش 43:25

تان ایسُّپئے آیگا، نێمرۆچئے وهدا، آیان وتی ٹێکی تئیار کرتنت، چێا که اِشکتگ‌اَتِش که ما سُبارگا همِدا اێن.

پێدایش 43:26

ایسُّپ که لۆگا آتک، آیان وتی آورتگێن ٹێکی داتنت و ایسُّپئے دێما سَرِش په اَدب جَهل کرت.

زَبور 68:29

په تئیی پرستشگاهئے هاترا که اورشَلیما اِنت بادشاه په تئو ٹێکیَ کارنت.

زَبور 72:10

تَرشیش و تئیابگوَرانی سرڈگارئے بادشاه هماییا سُنگ و مالیات بدئیاتنت، شێبا و سَبائے بادشاه په آییا ٹێکی بیاراتنت.

زَبور 76:11

گۆن وتی هُداوندێن هُدایا کئول بکنێت و وتی زبانئے سرا بۆشتێت، آ سجّهێن که کِرّ و گوَران اَنت په هماییا ٹێکی بیارنت که باکَمال اِنت.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

کاسِدانی کار 21:14

وهدے ما پولُس مَنّێنت نکرت، گڑا گوَشتێن: ”هرچے که هُداوندئے رَزا اِنت، هما ڈئولا ببیت“ و بێتئوار بوتێن.