پێدایش 42:4 - هُدائے پاکێن کتاب، بلۆچی زبانا

⁴ آکوبا ایسُّپئے برات بِنیامین گۆن آ دگه براتان دێم ندات، گوَشتی چۆ مبیت که تاوانے برسیتی.

پێدایش 42:4 Кръстосани препратки

پێدایش 11:4

گوَشتِش: ”بیا په وت شهرے اَڈَّ کنێن، اَنچێن بُرجے مانی ببیت که سَرٹُلّی آسمانا سر ببیت، تانکه په وت نامے اێر بکنێن که سجّهێن زمینئے سرا شِنگ و شانگ مبێن.“

پێدایش 3:22

هُداوندێن هُدایا گوَشت: ”نون اِنسان مئے پئیمێنے جۆڑ بوتگ و نێک و بدا زانت، چۆ مبیت که وتی دستا شهار بدنت و زِندئے درچکئے بَرا بزوریت و بوارت و تان اَبد زندگ ببیت.“

پێدایش 35:24

چه راهیلا ایسُّپ و بِنیامین،

پێدایش 42:3

گڑا ایسُّپئے دَه برات مِسرا دانئے گِرَگا شت.

پێدایش 42:38

بله آکوبا گوَشت: ”منی چُکّ گۆن شما نئیئیت گۆن. آییئے برات مُرتگ و بَسّ جندی پَشت کپتگ. اگن شمئے اے سپرا تاوانے برسیتی، من چه گَمانَ مِران و منی پیرێن سرئے هۆن شمئے گردنا بیت.“

پێدایش 43:14

پُرواکێن هُدا آ مردا په شما رهمدل کنات که شمئے آ دگه براتا و بِنیامینا گۆن شما آیگا بِلّیت. بله اگن من چُکّ باهێنتنت وَه منی بَهت و نَسیب.“

پێدایش 43:29

ایسُّپا سر چست کرت، چمّی وتی هَکّیگێن برات بِنیامینا کپتنت. جُستی کرت: ”اے شمئے هما کَسترێن برات اِنت که شما نام گِپتگ‌اَت؟“ ایسُّپا گۆن بِنیامینا گوَشت: ”هُدا په تئو مهربان بات، منی چُکّ!“