پێدایش 41:8 - هُدائے پاکێن کتاب، بلۆچی زبانا

⁸ سُهب که بوت، پِرئون پرێشان اَت. وتی مردمی راه داتنت و مِسرئے سجّهێن دانا و جادوگری لۆٹاێنتنت. پِرئونا گۆن آیان وتی وابانی کِسّه کرت، بله کَسّا آییئے واب مانا کرت نکرتنت.

پێدایش 41:8 Кръстосани препратки

پێدایش 40:6

وهدے ایسُّپ اے دگه سُهبا آیانی کرّا آتک، دیستی که دوێن پرێشان اَنت.

پێدایش 40:8

آیان پَسّئو دات: ”ما دوێنان واب دیستگ و کَسّ نێست که مانااِش بکنت.“ ایسُّپا گوَشت: ”وابانی مانائے زانگ وَه هُدایی کارے. وتی وابان منا بگوَشێت.“

پێدایش 41:15

پِرئونا گۆن ایسُّپا گوَشت: ”من وابے دیستگ و کَسّ اِشیا مانا کرتَ نکنت، بله من تئیی بارئوا اِشکتگ که اگن کَسے گۆن تئو وتی وابئے کِسّها بکنت، تئو مانایی کرتَ کنئے.“

پێدایش 41:24

لاگَرێن هۆشگان هپتێن شَرّێن هۆشگ وارتنت. من گۆن جادوگران کِسّه کرت، بله چه آیان کَسّا اے واب مانا کرت نکرت.“

پێدایش 41:7

لاگَرێن هۆشگان هَپتێن زَنڈ و شرّێن هۆشگ وارتنت. پِرئون پاد آتک و زانتی که اے وابے اَت.

زَبور 25:14

هُداوند وتی دلئے راز و رمزان گۆن هداتُرسان درشانَ کنت، وتی اَهد و پئیمانا په آیان پَجّارێنیت.

دَرگوَز 7:11

گڑا پِرئونا دانا و ساهِر لۆٹاێنتنت و اے مِسری جادوگران گۆن وتی جادوا همے کار کرت.

دَرگوَز 7:22

بله مِسری جادوگران هم گۆن وتی جادوا همے کار کرت و هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.

دَرگوَز 8:7

بله جادوگران هم گۆن وتی جادوا اَنچُش کرت و پُگُل چه آپان در آتک و مِسرئے مُلکا شِنگ بوتنت.

دَرگوَز 9:11

رێشانی سئوَبا جادوگران موسّائے دێما اۆشتات نکرت، چێا که جادوگر و سجّهێن مِسریانی جانا سۆم در آتکگ‌اَت.

دانیال 1:20

بادشاها هرچے که جُست کرتنت، دیستی که اے مردم هر پئیمێن هِکمت و سرپدیا چه مُلکئے سجّهێن جادوگر و ساهِران ده سَری شَرتر اَنت.

دانیال 4:18

اے هما واب اِنت که منِ بادشاه نِبوکَدنِزَرا دیستگ. او بِلْتِشازَر! نون تئو اِشیا مانا کن، پرچا که منی بادشاهیئے هچّ دانا اِشیا مانا کرتَ نکنت، بله تئو کرتیَ کنئے چێا که ترا پاکێن هُدایانی روه مان اِنت.“

دانیال 4:19

گڑا دانیال، که دومی نامی بِلْتِشازَر اَت، په دمانێا هئیران بوت، هئیالان پرێشان کرت. بادشاها گوَشت: ”بِلْتِشازَر! واب و وابئے مانایا مئیل که ترا پرێشان بکنت.“ بِلتِشازَرا گوَشت: ”منی واجه! دْرێگتا اے واب تئیی دژمنانی بارئوا بوتێن و اِشیئے مانا هم په تئیی بَدواهان.

دانیال 4:5

من وابے دیست و تُرسێا منا مان پتات. گَندلانی سرا، منی هئیال و شُبێنان منا تُرسێنت.

دانیال 4:6

گڑا من هُکم دات که بابِلئے سجّهێن دانا آرگ ببنت تانکه منی وابا مانا بکننت.

دانیال 4:7

وهدے جادوگر، ساهر، نجومی و اِستارزانت آتکنت، من گۆن آیان وتی واب گوَشت بله آیان منی واب مانا کرت نکرت.

دانیال 5:11

تئیی بادشاهیا مردے هست که آییا پاکێن هُدایانی روه مان اِنت و تئیی پیرُکئے دئورا گِندَگ بوتگ که آییا باتنی رُژنایی، سَرپدی و هکمت و هُدایانی ڈئولێن داناییے گۆن. تئیی بادشاهێن پیرُک، نِبوکَدنِزَرا اے مَرد جادوگر، ساهر، نجومی و اِستارزانتانی مستر کرتگ‌اَت،

دانیال 7:28

هبر همِدا هلاس بوت. منِ دانیال چه وتی هئیالان سکّ پرێشان بوتان و منی دێم زرد ترِّت. بله من اے گپّ گۆن وت داشت.“

دانیال 8:27

گڑا منِ دانیالا، سکّ دَم بُرتگ‌اَت و تان چیزّے رۆچا نادراه بوتان. رندا پدا پاد آتکان و بادشاهئے کاران دَزگٹّ بوتان بله منا شُبێنا هئیران کرتگ‌اَت و چه سرپدیئے هَدّا در اَت.

مَتّا 2:1

بادشاه هیرودیسئے اَهد و باریگا، وهدے ایسّا یَهودیَهئے دَمگئے شهر بئیت‌لَهِما پێدا بوتگ‌اَت، گڑا چه رۆدراتکا لهتێن نجومی اورشَلیمئے شهرا آتک.

کاسِدانی کار 17:18

اۆدا، لهتێن اِپیکوری و اِسْتوییکی پیلسوپ گۆن آییا دپَ کپت. چه آیان، لهتێنا گوَشت: ”اے پوتّار چے گوَشگا اِنت؟“ دگه لهتێنا گوَشت: ”گوَشئیگا، بێگانگێن هُدایانی جارا پِرّێنگا اِنت.“ آیان، پمێشکا اے هبر کرت که پولُس، ایسّا و مُردگانی جاه جنَگئے وشّێن مِستاگا تالان کنگا اَت.

کاسِدانی کار 7:22

موسّایا مِسریانی سجّهێن زانت و زانتکاری در برت و په کِردار و گُپتارا توانمندێن مردے بوت.