پێدایش 41:42 - هُدائے پاکێن کتاب، بلۆچی زبانا

⁴² پِرئونا وتی مُهرئے مُندریکّ چه دستا کَشِّت و ایسُّپئے دستا دات، شَرّێن لیلُمئے پۆشاک و سُهرئے هارے گوَرایی دات.

پێدایش 41:42 Кръстосани препратки

پێدایش 38:18

یَهودایا گوَشت: ”چے زَمانَت بدئیان؟“ تامارا گوَشت: ”وتی مُهر و مُهرئے بَندا و وتی دستئے اَسایا.“ یَهودایا اے چیزّ تامارئے دستا داتنت، گۆن آییا وپت و وابی کرت و تامار لاپ‌پُرّ بوت.

پێدایش 41:43

مُلکئے نائِبئے اَرّابَها سواری کرت. مردمان جار جت که ایسُّپئے دێما کۆنڈان بکپێت. پِرئونا ایسُّپ سجّهێن مِسرئے مستر کرت.

زَبور 73:6

پمێشکا کِبر آیانی گوَرئے هار اِنت و هِژم و گَزب آیانی پۆشاک.

دانیال 5:16

بله من تئیی بارئوا اِشکتگ که تئو مانا کرتَ کنئے و جیڑهانی گیشّ و گیوارا بلد ائے. اگن تئو اے نبشتها وانت و مانا کرت بکنئے، ترا جَمورنگێن گُد و تلاهێن هارے گْوَرا دئیگَ بیت و تئو، بادشاهیئے سئیمی هُکمران کنگَ بئے.“

دانیال 5:29

گڑا بِلشازَرا هُکم دات و دانیالِش جَمورنگێن گُد و تلاهێن هارے گوَرا دات و دانیال، بادشاهیئے سئیمی هُکمران جۆڑ کنگ بوت.

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“

لوکا 15:22

بله پتا وتی هِزمتکار گوَشتنت: ’اِشتاپ کنێت، په آییا گهترێن کَباها بیارێت و گوَرایی بدئیێت. چَلّه و مُندریکّی دستا و کئوشی پادا بدئیێت.