پێدایش 41:15 - هُدائے پاکێن کتاب، بلۆچی زبانا

¹⁵ پِرئونا گۆن ایسُّپا گوَشت: ”من وابے دیستگ و کَسّ اِشیا مانا کرتَ نکنت، بله من تئیی بارئوا اِشکتگ که اگن کَسے گۆن تئو وتی وابئے کِسّها بکنت، تئو مانایی کرتَ کنئے.“

پێدایش 41:15 Кръстосани препратки

پێدایش 40:8

آیان پَسّئو دات: ”ما دوێنان واب دیستگ و کَسّ نێست که مانااِش بکنت.“ ایسُّپا گوَشت: ”وابانی مانائے زانگ وَه هُدایی کارے. وتی وابان منا بگوَشێت.“

پێدایش 41:8

سُهب که بوت، پِرئون پرێشان اَت. وتی مردمی راه داتنت و مِسرئے سجّهێن دانا و جادوگری لۆٹاێنتنت. پِرئونا گۆن آیان وتی وابانی کِسّه کرت، بله کَسّا آییئے واب مانا کرت نکرتنت.

زَبور 25:14

هُداوند وتی دلئے راز و رمزان گۆن هداتُرسان درشانَ کنت، وتی اَهد و پئیمانا په آیان پَجّارێنیت.

دانیال 2:3

بادشاها گۆن آیان گوَشت: ”من وابے دیستگ و منی اَرواه په اے وابئے مانائے زانگا بێتاهیر اِنت.“

دانیال 4:18

اے هما واب اِنت که منِ بادشاه نِبوکَدنِزَرا دیستگ. او بِلْتِشازَر! نون تئو اِشیا مانا کن، پرچا که منی بادشاهیئے هچّ دانا اِشیا مانا کرتَ نکنت، بله تئو کرتیَ کنئے چێا که ترا پاکێن هُدایانی روه مان اِنت.“

دانیال 4:9

”او بِلْتِشازَر، نجومیانی مستر! منَ زانان که ترا پاکێن هُدایانی روه مان اِنت و هچّ رازئے زانگ په تئو گران نه‌اِنت. اے منی واب اِنت که من دیستگ، نون په من مانایی کن.

دانیال 5:12

چێا که اے دانیال، که بادشاها آییئے نام بِلْتِشازَر کرتگ، اِشیا اَجبێن روهے، زانت و سرپدیے هست‌اَت. آ واب و چاچانی مانا کنگ و گرانێن جێڑهانی گیشّێنگا سکّ بلد اَت. دانیالا لۆٹاێن، هما ترا اِشیئے مانایا گوَشتَ کنت.“

دانیال 5:14

من انّون سهیگ بوتگان که ترا هُدایانی روهے مان اِنت و ترا باتنی رُژنایی، سَرپدی و اجبێن هکمتے هست.

دانیال 5:16

بله من تئیی بارئوا اِشکتگ که تئو مانا کرتَ کنئے و جیڑهانی گیشّ و گیوارا بلد ائے. اگن تئو اے نبشتها وانت و مانا کرت بکنئے، ترا جَمورنگێن گُد و تلاهێن هارے گْوَرا دئیگَ بیت و تئو، بادشاهیئے سئیمی هُکمران کنگَ بئے.“