پێدایش 4:2 - هُدائے پاکێن کتاب، بلۆچی زبانا

² رَندا هئوایا کائِنئے برات، هابیل پێدا کرت. هابیلا شپانکیَ کرت و کائِنا دِهکانی.

پێدایش 4:2 Кръстосани препратки

پێدایش 3:23

گڑا هُداوندێن هُدایا آ چه اَدَنئے باگا در کرت که زمینئے سرا کِشت و کِشار بکنت، هما زمین که چه آییئے هاکا آ جۆڑ کنگ بوتگ‌اَت.

پێدایش 37:13

اِسراییلا گۆن ایسُّپا گوَشت: ”تئو زانئے که تئیی برات رمگئے چارێنگا شِکێما شتگ‌اَنت. وتا گیشّێن و آیانی کِرّا برئو.“ ایسُّپا گوَشت: ”شَرّ اِنت.“

پێدایش 4:1

آدما، گۆن وتی جَن هئوایا وَپت و واب کرت و هئوائے لاپ پُرّ بوت و کائِن پێدا بوت. هئوایا گوَشت: ”چه هُداوندئے برکتا، منا مردێن‌چُکّے بوتگ.“

پێدایش 4:3

کَمّے وهدا و رَند، کائِنا چه وتی ڈگارئے بر و سَمران په هُداوندا ٹێکیے آورت.

پێدایش 47:3

پِرئونا چه آییئے براتان جُست کرت: ”شمئے کار و رۆزگار چے اِنت؟“ آیان پَسّئو دات: ”تئیی کَستر شپانک اَنت، وتی پت و پیرُکانی پئیما.“

پێدایش 9:20

نوها کِشت و کِشار بِندات کرت و انگوری باگے اَڈّی کرت.

زَبور 127:3

چُکّ چه هُداوندئے نێمگا میراس اَنت و پدرێچ چه هماییئے نێمگا مُزّ.

دَرگوَز 3:1

موسّا وتی ناکۆ، میدیانئے دینی پێشوا یَترونئے رمگا چارێنگا اَت. رمگی زرت و گیابانئے آ دستا، هۆرێبا، بزان هُدائے کۆها شُت.

لوکا 11:50

پمێشکا چه دنیائے بُنگێجا هما سجّهێن پئیگمبر که مردمان کُشتگ‌اَنت، آیانی هۆن اے زمانگئے مردمانی گردنا اِنت،

لوکا 11:51

بزان هابیلئے هۆنا بگر تان زَکَریائے هۆنا، که کُربانجاه و مزنێن پرستشگاهئے نیاما رێچگ بوت. هئو! شمارا گوَشان که اے زمانگئے مردم، آ سجّهێن هۆنانی دئینکار اَنت.

یوهَنّا 8:44

شما وتی پت، بزان اِبلیسئے چُکّ اێت و هماییئے مُراد و واهگانی سرا کار کنگَ لۆٹێت. آ چه بِنداتا هۆنیگے و چه راستیا دور اِنت، چێا که آییا هچّ راستی مان نێست. وهدے درۆگَ بندیت، وتی جندئے دلئے هبرا کنت، چێا که درۆگبندے و درۆگانی پت اِنت.

یوهَنّائے ائولی کاگد 3:10

هُدائے چُکّ و شئیتانئے چُکّ، همے پئیما زانگ و پَجّاه آرگَ بنت، آ کَس که راستیئے راها نرئوت، هُدائے چُکّ نه‌اِنت و اَنچُش آ کَس هم که گۆن وتی براتا مِهرَ نکنت.

یوهَنّائے ائولی کاگد 3:12

کائِنئے ڈئولا مبێن که شئیتانئے چُکّ اَت و وتی براتی کُشت. نون چێا آ کُشتی؟ په اے سئوَبا که آییئے جندئے کار و کِرد سِلّ و شئیتانی اَتنت و براتئے کار نێک و هُدایی اَتنت.

یوهَنّائے ائولی کاگد 3:15

کَسے که چه براتا بێزارَ بیت و نَپرتَ کنت هۆنیگے. شما زانێت، هۆنیگێن مردمے هچبر نمیرانێن زِندئے واهندَ نبیت.