پێدایش 38:17 - هُدائے پاکێن کتاب، بلۆچی زبانا

¹⁷ یَهودایا پَسّئو دات: ”چه وتی رمگا په تئو شِنکّے راهَ دئیان.“ تامارا گوَشت: ”زَمانَت چے دئیئے که تئو شِنکّا راهَ دئیئے؟“

پێدایش 38:17 Кръстосани препратки

پێدایش 38:16

نزانتی که منی نِشار اِنت. همۆدا، راهئے کَشا یَهودا آییئے کِرّا شت و گوَشتی: ”گۆن من نئیائے گۆن؟“ تامارا جُست کرت: ”گۆن من که وپت و وابَ کنئے، منا چے دئیئے؟“

پێدایش 38:18

یَهودایا گوَشت: ”چے زَمانَت بدئیان؟“ تامارا گوَشت: ”وتی مُهر و مُهرئے بَندا و وتی دستئے اَسایا.“ یَهودایا اے چیزّ تامارئے دستا داتنت، گۆن آییا وپت و وابی کرت و تامار لاپ‌پُرّ بوت.

پێدایش 38:20

یَهودایا گۆن وتی اَدُلّامی سنگتا گوَشت که شِنکّا بر و زَمانَتئے چیزّان چه جنێنئے کِرّا پچ گِر و بیار. بله سنگتا جنێن ندیست.

لوکا 16:8

واهندا وتی لُچّ و دُزّێن هسابدار شاباش گوَشت، که آییا اے کار، گۆن اَگلمندی کرتگ‌اَت. چێا که اے وهدئے چُکّ گۆن وتی زمانگئے مردمان دنیایی گیر و دارانی در برگا، چه نورئے چُکّان بزان هُدایی مردمان آکِلتر اَنت.