پێدایش 37:34 - هُدائے پاکێن کتاب، بلۆچی زبانا

³⁴ گڑا آکوبا وتی گُد دِرتنت و گۆنیێن گُد گوَرا کرت و تان بازێن رۆچێا وتی چُکّئے پُرسا نِشت.

پێدایش 37:34 Кръстосани препратки

پێدایش 37:29

وهدے روبِن پِر تَرِّت و چاتئے کِرّا آتک و ایسُّپی اۆدا ندیست، وتی گُدی دِرتنت.

پێدایش 42:38

بله آکوبا گوَشت: ”منی چُکّ گۆن شما نئیئیت گۆن. آییئے برات مُرتگ و بَسّ جندی پَشت کپتگ. اگن شمئے اے سپرا تاوانے برسیتی، من چه گَمانَ مِران و منی پیرێن سرئے هۆن شمئے گردنا بیت.“

پێدایش 44:13

براتان که دیست، وتی گُدِش دِرتنت. پدا وتی بارِش هران لَڈِّتنت و شهرا پِر تَرِّتنت.

زَبور 69:11

آ وهدا که سوگی گُد و پۆشاکُن گوَرا کرتگ‌اَنت، اِشانی کِرّا بَتَلے بوتگان.

مَتّا 11:21

”بَژن و اپسۆز په شما، او کُرازینئے مردمان! بَژن و اپسۆز په شما، او بئیت‌سئیدائے مردمان! هما مۆجزه و اَجِکّایی که من شمئے نیاما پێش داشتگ‌اَنت، اگن سور و سئیدونئے شهران پێش بداشتێننت، گڑا اۆدئے مردمان هما وهدا وتی گناهانی پشۆمانیئے پۆشاک گوَرا کرتگ‌اَت و پُرانی سرا نِشتگ‌اَتنت.

مَتّا 26:65

گڑا مسترێن دینی پێشوایا وتی گوَرئے جامگ دِرت و گوَشتی: ”اِشیا کُپر کرت، اَنگت هم مارا شاهد پکار اِنت؟ شما اِشیئے کُپر وت اِشکت.

کاسِدانی کار 14:14

وهدے کاسِد، بزان پولُس و بارنابا چه آیانی اے واهگا سهیگ بوتنت، وتی پُچّ و پۆشاکان دِرّان و چاک دئیانا، گۆن کوکّارے مردمانی مُچّیئے نیاما آتکنت.

اِلهام 11:3

و من وتی دو شاهدا واک و اِهتیارَ دئیان که تان هما هزار و دو سَد و شستێن رۆچان پئیگمبری بکننت. اِشان گۆنی گوَرا بیت.“